Природни состојки за здрав црн дроб и за слабеење

Еден од најважните органи во човечкото тело, црниот дроб, врши над 500 различни функции во нашето тело.

Тој е одговорен не само за производство на жолч и за добро варење, туку и за складирање на важни хранливи материи и витамини, како и за детоксикација на организмот.

Покрај тоа, ни помага да се одбраниме од инфекции и многу болести. И тоа е само дел од бројните задачи што ги извршува.

Бидејќи црниот дроб е многу важен орган, исклучително е важно да му обезбедите доволно витамини, минерали и антиоксиданти во вашата исхрана.

Ако консумирате нездрави масти, шеќер, преработена храна и алкохол, вашиот црн дроб сигурно е преоптоварен.

Ослабениот црн дроб, исто така, произведува помалку жолч, што предизвикува вишок токсини и несварени масти да се акумулираат во телото, што го нарушува не само дигестивниот систем, туку и целокупното здравје.

Сето тоа доведува до забавен метаболизам, вишок килограми, но и разни помали и сериозни болести.

Домашен еликсир за црниот дроб

За да може вашиот црн дроб да функционира оптимално, покрај здравата исхрана, дајте му дополнителен поттик во форма на домашен naпиток направен од исклучиво природни состојки.

За да го подготвите, ќе ви требаат грејпфрут, лимон, лук, ѓумбир, нане, ленено масло и ким – сите супер-здрави состојки кои го стимулираат црниот дроб.

Благодарение на доброто функционирање на црниот дроб, ќе се забрза и вашиот метаболизам, односно слабеењето.

Во продолжение дознајте зошто токму овие состојки се клучни за црниот дроб и метаболизмот и како од нив да подготвите лековит еликсир.

Агруми

Цитрусните овошја како што се грејпфрутот и лимонот поттикнуваат детоксикација на црниот дроб. Тие делуваат со стимулирање на производството на ензими како што се аспартат трансаминаза и аланин трансаминаза кои се клучни за детоксикација.

Исто така, агрумите му помагаат на црниот дроб да ги претвори опасните токсини во помалку опасни материи растворливи во вода, кои потоа полесно се излачуваат од телото.

Грејпфрутот содржи нарингин и нарингенин, антиоксиданти кои го намалуваат воспалението и на тој начин го штитат црниот дроб од оштетување.

Лимонот е богат со антиоксиданти и витамин Ц, состојки кои го штитат здравјето на црниот дроб.

Лук

Овој моќен зачин содржи, меѓу другото, и сулфурни соединенија. Тие ги активираат ензимите на црниот дроб кои поттикнуваат елиминација на токсините од телото. На овој начин му помагаат на црниот дроб во неговата работа.

Лукот содржи и селен, важен микронутриент кој ги стимулира функциите на ензимите во црниот дроб кои делуваат како антиоксиданти.

Ѓумбир

Ѓумбирот го намалува ризикот од заболување на црниот дроб, а во исто време го поттикнува варењето. Благодарение на ова, помага и при губење на тежината.

Овој корен содржи моќни супстанции како што се џинџерол и шогаол, кои ги инхибираат воспалителните процеси и ги штитат клетките од оштетување, а со тоа го поддржуваат здравјето и функционирањето на црниот дроб.

Мента/Нане

Ова растение ја поттикнува работата на варењето и го фаворизира здравјето на црниот дроб со стимулирање на неговата детоксикација.

Нането исто така ја поттикнува работата на панкреасот и го прочистува организмот од отпадни материи. Покрај тоа, го чисти желудникот и поттикнува елиминација на слуз.

Ким

Зачинот со латинско име Cuminum cyminum го поттикнува производството на жолчка, што го олеснува варењето. Ја стимулира и активноста на ензимите за варење, а со тоа ги забрзува варењето и метаболизмот.

Придонесува за слабеење на здрав начин и го балансира нивото на шеќер во крвта.

Ленено масло

Ленот содржи лигнани, омега-3 масни киселини и влакна, кои придонесуваат за здравјето на црниот дроб. Ленот, како и неговото масло, се одлични за работата на дигестивниот систем и се сметаат за вистински природен лаксатив.

Ова здраво масло исто така ги намалува воспалителните процеси во телото и помага во спречување на срцеви заболувања.

Домашен еликсир за слабеење и здравје на црниот дроб

Состојки:

6 лимони
3 грејпфрути
4 чешниња лук
10 цм корен од ѓумбир (или 5 лажици ѓумбир во прав)
неколку листови свежо нане
1 лажичка ким во прав
3 супени лажици ленено масло
0,5 л сварена вода

Подготовка:

Во садот исцедете ги сокот од лимон и грејпфрут. Во блендер додадете свежо нане, ѓумбир и лук и изблендирајте. Добиената смеса процедете ја и измешајте ја со сокот од цитрус (лимон и грејпфрут). Во него додадете ленено масло, ким и вода и сè убаво измешајте.

Овој еликсир за црниот дроб пијте го наутро на празен стомак 2-3 пати неделно.

Забелешка:

Грејпфрут не треба да земаат луѓе кои пијат одредени лекови поради можни интеракции.