Како што созрева бананата, таа ослободува повеќе етилен гас, кој исто така може да го забрза созревањето на другите плодови во близина.
Најчесто посегнуваме по нив за ужина. Едноставни се, не заземаат многу простор, а кога ќе ни снема идеи што да си земеме за ужина, со нив навистина знаеме дека сме си направиле услуга за здравјето избирајќи ги наместо пецива.
Бананите се богати со калиум, минерал кој помага во одржување на здравјето на срцето. Тие се исто така одличен извор на диетални влакна, особено пектин, за кој знаеме дека кога се консумира со доволно течности може да го подобри здравјето на дигестивниот систем со поддршка на редовното празнење на дебелото црево и спречување на запек.
Ова овошје е исто така богато со витамин Б6, кој е неопходен за здравјето на мозокот и помага во производството на серотонин и допамин, невротрансмитери одговорни за регулирање на расположението и намалување на симптомите на депресија.
Природните шеќери во бананите, гликозата, фруктозата и сахарозата обезбедуваат брзо засилување на енергијата, што ги прави идеално овошје за спортистите и активните поединци.
Никој не го сака тоа.
Наведовме само мал дел од придобивките од ова овошје, за кое, сепак, многумина се согласуваат дека има и своја негативна страна, брзо расипување.
Постои причина зошто е тоа така. Имено, како што созрева бананата, таа ослободува повеќе етилен гас, кој исто така може да го забрза созревањето на другите плодови во близина.
Затоа, доколку не сакате бананите што ги купивте вчера да поцрнат, се препорачува да ги чувате одделно од другото овошје. Во спротивно, ако ги чувате во сад со друго овошје само ќе го забрзате нивното расипување.
Чување во фрижидер
Покрај горенаведеното, има уште еден трик кој Ричард Томас го открил за Експрес. Имено, овој експерт смета дека чувањето на бананите во фрижидер значително ќе им го продолжи рокот на траење, од седум на 14 дена, а причина за тоа се пониските температури кои го ограничуваат производството на етилен по созревањето на бананите.
Клучот, истакнува овој експерт, е да се почека бананите целосно да пожолтат или да бидат доволно зрели за да се јадат, инаку нивното ладење може да го забави зреењето, оставајќи ги зелените банани сè уште незрели и без вкус.
Браон однадвор, одлични одвнатре
Иако овој вид складирање најверојатно ќе резултира со тоа што жолтата кора ќе стане кафеава поради фактот што тропското овошје, вклучително и бананите, не се љубители на ладното, тоа не значи дека самото овошје ќе стане неупотребливо.
Според Томас, внатрешноста на бананата останува свежа и подготвена за употреба. Кога станува збор за складирањето, овој експерт споделува уште еден совет, а тоа е бананите да ги ставате на средина на фрижидерот, а никогаш во долниот, повлажен дел, што може да го скрати животниот век на ова овошје.