Сите придобивки од босилекот: Помага при кашлица, бубрежни заболувања, главоболка и депресија, а добар е и за доилките

Питомиот босилек (Ocimum basilicum) е едногодишна и зачинска билка која е денес незаменлива во нашата кујна. Цвета од мај до септември,

Целото растение е ароматично, особено листовите кои имаат сладок, ароматичен и остар вкус. Содржината на есенцијални материи (т.н. етерични масла) е 0,3-0,8%. Освен тоа, босилекот содржи и танин, сапонин и горчливи материи.

Надземните делови на растението содржат до 1,5% есенцијални материи, до 6% танински материи, гликозиди, сапонини, минерални материи аскорбинска киселина и јаглехидрати, протеини, витамин П, провитамин А и камфор. Суштинските супстанции вклучуваат еугенол и метилкавикол.

Ценет од народот
Мирисните листови босилек најчесто се користат како додаток на разни јадења, но ова растение има и лековити својства.

Во народната медицина се користи против кашлица, бубрежни заболувања, главоболка и депресија, а окрепувачкиот чај од ова растение се користи против менструални проблеми.

Сокот од листовите се користи против настинки и воспаление на ушното тапанче.

Листовите можете да ги ставите во купки кои ќе ја омекнат кожата. Ефикасно е при болести на уринарниот тракт, делува како седатив, ја ублажува несоницата и ја елиминира нервозата, го поттикнува апетитот, а младите доилки можат да пијат чај од босилек бидејќи го поттикнува производството на млеко.

Чај од босилек
Чајот се подготвува такашто исушените листови босилек се прелеваат со зовриена вода и се оставаат да отстојат во покриен сад до десет минути.

Можете да го земате секој ден, но по секои осум дена треба да направите пауза од 14 дена. Во случај на воспаление на непцата и воспаление на оралната слузница, се препорачува плакнење на усната шуплина со чај од босилек.

И конечно, босилекот влијае и на емоциите, па може да го подобри вашето расположение