Властите во Шангај велат дека во градот има „повеќе од 8.000 кафулиња“. А извештајот на Шангајскиот меѓународен фестивал за култура на кафе забележал 9.553 кафулиња на крајот на 2023 година.
Шангај пред две години дојде на врвот на листата на градови со најголем број кафулиња, претекнувајќи ги Токио и Лондон, а особено е интересна приказната за тоа како се развила културата на кафулињата во овој град, а го нарекуваат и место кое е во љубовна врска со кафето.
Кинеската финансиска престолнина сега има толку многу кафулиња што владата тврди дека има најмногу од кој било град во светот.
Оваа култура се развива во градот со години, но укинувањето на ограничувањата по Ковид навистина ѝ даде поттик, бидејќи локалното население го прифаќа животот на отворено, барајќи места за средба со своите пријатели и семејството.
Меѓутоа, со толку нови објекти, конкуренцијата за купувачи станала жестока.
Повеќето од сопствениците кои зборувале за Би-Би-Си, веруваат дека сите овие бизниси не можат да опстанат.
☕️ Shanghai claims to have the largest number of coffee shops of any city in the world. Thousands of quirky independent cafes now line the streets. The coffee scene has rocketed, so we decided to find out more… (Part 1) #shanghai #coffee @StephenMcDonell pic.twitter.com/jhreEuW0UR
— Edward Lawrence (@EP_Lawrence) July 30, 2024
Властите во Шангај велат дека во градот има „повеќе од 8.000 кафулиња“. А извештајот на Шангајскиот меѓународен фестивал за култура на кафе забележал 9.553 кафулиња на крајот на 2023 година.
И не е само бројот на продажни места она што го издвојува Шангај.
Онаму каде што во другите кинески градови сè уште доминираат големи синџири како Старбакс и неговиот локален ривал Лакин, експлозијата на кафулињата во Шангај беше поттикната главно од независните продажни места како што е „Hidden Track“.
Сопственичката на ова кафуле, Донг Ксијаоли, вели дека „немала друг избор“ освен да се впушти во индустријата бидејќи чувствувала таква страст кон кафето, но – не било лесно.
Запрашана каков совет би му дала на некој што размислува да ги следи нејзините стапки, таа се смее и одговара: „Би рекла, немој да го правиш тоа. Инвестицијата наспроти заработката е страшна. Мора да купиш скапи машини и да вложиш многу пари за украсување. Заработувате многу мали суми во споредба со другите индустрии“.
Did you know Shanghai is the city with the most #coffee shops in the world?
— RADII (@RADII_Media) April 7, 2023
China's coffee market is fiercely competitive with new cafes opening every day. To stand out, cafes must have catchy packaging and offer unique and sometimes unusual flavors. pic.twitter.com/l0VuCDl1bX
За да се успее на овој многу преполн пазар, да се има посебна енергија и да се биде уникатен стана исто толку важно како и сè друго во привлекувањето клиенти.
Да се биде виден во кафуле овде се смета за модерно и урбано, а тоа ја поттикна популарноста кај помладите генерации.
Кафулињата станаа социјална можност за многу млади луѓе да се дотераат и да се сретнат на кафе и разговор.
Шангајнците, кои долго време се гледаат себеси како наследници на космополитскиот став што го проникна Шангај во раните децении на 20 век, се горди и на својата кафеанска култура.
„Шангај одамна е меѓународен трговски град: одамна почнавме да пиеме кафе.
Јуан Џингфенг, кој го води Кафе R1070, вели дека целото негово кафе доаѓа од Јапонија: „Моите трошоци се многу високи.
Моите увезени зрна вклучуваат американски и италијански стилови а сите се увезени од Јапонија во нивното оригинално пакување.
Цените на големо се зголемија драстично во последните неколку години.
Војните во Јемен и Етиопија имаа влијание.
Добри зрна има се помалку, додека бројот на „кафепијци“ постојано се зголемува“.
Сепак, досега, тој вели дека се спротивставувал да ги префрли зголемените трошоци на својата растечка база на луѓе кои пијат кафе. Сопствениците се надеваат дека ова нема да биде само минлива мода.
Според некои проценки, кинескиот пазар на кафе беше проценет на повеќе од 260 милијарди јуани (35 милијарди американски долари) минатата година. Се предвидува дека може да се зголеми за уште стотина милијарди (13 милијарди американски долари). Пазарот на брендирани кафулиња во земјава лани пораснал за 58 отсто, објави порталот „World Coffee“.
Со толку високи трошоци во Шангај, многу кафулиња не можат да си дозволат да го задржат својот простор неискористен ноќе, па навечер се претвораат во барови, понекогаш со жива музика.