Некои од симптомите кои укажуваат дека телото е преоптоварено со токсини се замор, летаргија, проблеми со кожата, алергии, лош здив, неможност за слабеење.
Црниот дроб, како најголем орган одговорен за чистење на телото од токсини, може да биде преоптоварен со токсини.
Гоџи бобинките и ѓумбирот можат да ви помогнат да го исчистите за да продолжи да извршува голем број функции кои се од витално значење за човековиот организам.
Иако овие две намирници неодамна станаа популарни меѓу застапниците за здрава храна, тие се користат како моќни природни лекови во традиционалната кинеска и ајурведска медицина илјадници години.
Дознајте како гоџи бобинките и ѓумбирот можат да помогнат во работата на вашиот црн дроб и како од нив да подготвите лековит тоник.
Гоџи бобинки – мали, но моќни чувари на црниот дроб
Гоџи бобинките (лат. Lycium barbarum) се мали црвени плодови кои најчесто ни доаѓаат во сушена форма, а доаѓаат од Тибет, каде што гоџи е познато како свето растение.
Во традиционалната медицина, гоџи бобинките се користат илјадници години за зајакнување на енергијата и одржување на добро здравје.
Тие се вистински мали бомби полни со антиоксиданти и хранливи материи.
Тие содржат зеаксантин, ликопен и лутеин, како и витамини А, Б1, Б2, Б6, Ц, Д и К, а можат да се пофалат и со цинк, селен, калиум, калциум, железо и магнезиум.
Имаат повеќе бета-каротен од морковот, па се одлични и за видот.
Овие бобинки се сметаат за суперхрана со причина бидејќи ги содржат и сите есенцијални амино киселини.
Меѓу другото, гоџи бобинките ја стимулираат работата на црниот дроб.
Важна улога во неговата детоксикација играат Купферовите клетки, кои му овозможуваат да ја извршува својата задача.
Гоџи бобинките, благодарение на нивното изобилство на антиоксиданти, ја поддржуваат работата на овие клетки.
Содржат и физалин, кој штити од хепатитис Б и леукемија и бетаин, кој му помага на црниот дроб да произведува холин, состојка која штити од замастен црн дроб.
Ѓумбир – природен сојузник на црниот дроб
Коренот од ѓумбир содржи моќни состојки како што се шогаол и гинџерол кои ги инхибираат воспалителните процеси и ги штитат клетките од оштетување.
Овој здрав зачин ја поддржува работата на црниот дроб и го штити од токсини и алкохол.
Помага во спречување на формирање на замастен црн дроб и го спречува неговото оштетување.
Кога на овие состојки ќе додадете лимон богат со витамин Ц и мед полн со антиоксиданти, добивате добитна комбинација не само за црниот дроб туку и за целото тело!
Дефинитивно ви препорачуваме да користите домашни, непрскани лимони и квалитетен мед од доверлив производител.
Тоник за црниот дроб од гоџи бобинки и ѓумбир
Состојки:
2 лажици гоџи бери
1 лажица свежо рендан корен од ѓумбир
свежо исцеден сок од половина лимон
мед по желба
5 чаши вода
Приготвување:
Сите состојки ставете ги во блендер, изблендирајте и истурете ги во шише.
Да се чува на суво и ладно место.
Консумирајте по една чаша тоник секое утро на празен стомак.
Откако ќе го потрошите, направете нова количина.
Придобивките од тоникот:
го штити здравјето на црниот дроб (и бубрезите).
поттикнува детоксикација на телото
има антиинфламаторно дејство
го намалува оксидативниот стрес
ја намалува штетата предизвикана од токсините
помага да се спречи замастен црн дроб
го зајакнува имунитетот
помага во спречување на настинки и грип
има подмладувачки ефект
има одлично влијание врз тенот и здравјето на кожата.