Грицките можат да бидат и направени дома и вкусни и здрави. А овие можат да заменат и цел оброк
Во морето од вирални трендови на храна, око ни привлече една неодолива солена закуска.
Ако сте голем обожавател на прстени од кромид или, на пример, обожавате сирење на скара – не мора да барате повеќе. Брзите чипсови од кромид и сирење се хит во моментов! Само две главни состојки и додаток на зачини се доволни за да подготвите закуска со неодолива арома и вкус.
Подолу е рецептот и неколку видеа кои можат да ви помогнат да приготвите чипс дома!
Рецепт за чипс од кромид
Состојки:
2 мали кромидчиња
290 гр пармезан
1/2 лажица маслиново масло
сол, лук во прав, пиперка во прав
Постапка:
Исчистете го кромидот и исечете го на рамномерни, тенки прстени.
Загрејте ја рерната на 200 степени. Подгответе плех и обложете го со хартија за печење.
На тавата за печење посипете пармезан, а врз него наредете ги прстените од кромид. Премачкајте го кромидот со маслиново масло.
Одозгора поросете зачини. Печете 18 минути и оставете да се изладат најмалку 5 минути.
Чипсот можете да го послужите со бел сос направен од грчки јогурт или павлака.