Време е за оревовка, ама и за уште еден лек за штитната жлезда

Оревот се смета за еден од најздравите јаткасти плодови. Тој е одличен извор на селен, кој е поврзан со функционирањето на тироидната жлезда.

Тироидната жлезда е во форма на пеперутка, сместена во долниот дел на вратот и е вклучена во многу телесни процеси и функции. Најважната функција на жлездата е производството на хормоните тријодотиронин (Т3) и тироксин (Т4), кои го контролираат метаболизмот.

Меѓу другото, тироидните хормони се одговорни за помагање во регулирањето на температурата на телото, нивото на калциум во крвта и развојот на мозокот. Кога тироидната жлезда станува слаба или преактивна, тоа може да доведе до многу проблеми.

Нашето тело, исто така, има потреба од јод, не само за создавање на хормони, туку и за ослободување на крвта од вируси и бактерии кои навлегле во неа. Целата крв во нашето тело поминува низ тироидната жлезда за неколку минути.

Должноста на јодот, кој се содржи во тироидната жлезда, е да ги уништи штетните бактерии кои успеале да навлезат во крвта преку рани на кожата, преку слузницата на грлото и носот. Ако концентрацијата на јод во тироидната жлезда е во прифатливи граници, крвта се дезинфицира додека минува низ неа. Ако јодот не е доволен, тогаш телото е заситено со отпад од штетни бактерии, кои го трујат телото.

Меѓутоа, неопходно е да се земе предвид не само фактот дека нема јод во водата, храната и воздухот, што може да предизвика болест на тироидната жлезда, туку покрај тоа има и супстанции кои предизвикуваат нарушувања во активноста на ендокриниот систем.

Како оревите го зајакнуваат здравјето на тироидата?
Исхраната игра клучна улога во здравјето на тироидната жлезда. Постојат одредени намирници и хранливи материи од кои зависи тироидната жлезда. Една таква намирница е и оревот.

Оревите кој се сметаат за најздрави од сите јаткасти плодови, се одличен извор на селен, кој е неопходен за телото.

Откриено е дека концентрацијата на селен е поголема во тироидната жлезда отколку во кој било друг орган. Исто како и јодот, селенот има важни функции во синтезата и метаболизмот на тироидните хормони.

Ниските нивоа на селен се поврзани со хипотироидизам и може да бидат предизвикувачки фактор во оваа состојба, особено во комбинација со ниските нивоа на јод. Покрај тоа, соодветните количини на селен може да го намалат ризикот од оток на тироидната жлезда или гушавост.

Оревите можат да бидат важен дел од секоја здрава исхрана за тироидната жлезда, бидејќи се добар извор на здрави масти, протеини и антиоксиданти. Ако имате проблеми со тироидната жлезда, дефинитивно треба да посетите лекар за да дознаете за улогата што ја игра исхраната во вашето целокупно здравје.

Млади зелени ореви во мед за штитната жлезда и за многу други здравствени состојби

Ова е рецепт кој е многу стар и се подготвува со години. Тој им помагал и на оние кои имале проблеми со болки во грлото и воспаление на крајниците.

Важно е да се напомене дека најдобро е да се носат ракавици при сечкањето на оревите, бидејќи тие испуштаат црна боја која тешко се мие.

Младите ореви потопени во мед ослободуваат големо количество јод што лесно се апсорбира од телото. Исто така, содржат многу витамин Ц и цело богатство на витамини, а добро е и за болните од анемија и за болните деца. Овој сируп позитивно влијае и на прочистување на црниот дроб, желудникот и крвта.

Пред сѐ е добар за решавање проблеми во работата на тироидната жлезда, одличен за зајакнување на имунитетот, помага во обновувањето на клетките, го неутрализира дејството на токсините и многу повеќе.

Рецепт за лек од зелени ореви и мед за тироидната жлезда
1 кг мед
40 млади зелени ореви

Приготвување:

Прво, наберете млади зелени оревќиња (околу 1-1,5 цм). Најдобро е да се бере од дрво кое расте во чиста средина, каде што воздухот, водата и почвата не се загадени. Измијте ги и исушете ги оревите.
Ставете ги во тегла и покријте ги со мед. Добро затворете го садот и оставете го на светло место, но не го изложувајте на директна сончева светлина.
На секои десет дена отворете го капакот за да се исфрли воздухот што е производ на ферментација и промешајте го сирупот.
По 40 дена, процедете ја течноста и отстранете ги малите јаткасти плодови. Медот ќе потемни и ќе стане потечен.
После тоа, консумирајте по една лажица секое утро.

За ракијата од зелени оревчиња, позната како оревовка

Ракијата од зелени ореви, таканаречената оревовка, е стар народен лек за проблемите со штитната жлезда, за проблемите со варењето, но и за добро расположение.

За едно шише или тегла од 1 до 1,5 кг, ви требаат 40 зелени оревчиња, 1 литар домашна ракија и 300-500 г шеќер (може и кафеав шеќер или мед, иако медот ќе го смени вкусот).

Наберете 40 оревчиња, измијте ги и исушете ги, а потоа засечете ги на неколку места (ако се поголеми, може и да се исечат на пола).
Ги ставате во шише со широк отвор или во голема тегла, додавате шеќер и полните со ракија. Се затвара и се остава 40 дена на сонце. Потоа треба да ја исцедите ракијата во друго шише и добро е секое утро да си пиете по една мала чашка.

Секако, можете да се напиете и после ручек, особено ако имате проблем со варењето на храната.