Експертите велат дека доматите и краставиците не треба да се мешаат и да се консумираат заедно, особено ако имате чувствителен дигестивен систем
Салатите се едноставен, лесен и здрав оброк кој нуди бројни придобивки за телото. Тие се богати со витамини, минерали и влакна, а исто така помагаат во варењето и одржувањето на здрава телесна тежина.
Доматот и краставицата, омилените состојки на речиси секоја летна салата кај нас, особено, шопската, се вистински извор на свежина и здравје. Доматот е богат со антиоксиданти, особено ликопен, кој ги штити срцето и кожата, додека краставицата го хидрира телото и ја поттикнува детоксикацијата.
Салатата не мора да биде здодевна; со малку маслиново масло и капка оцет, таа станува вистинска мала витаминска бомба.
Сепак, изгледа дека комбинирањето на доматите и краставиците во една салата не е баш добар избор за оние со чувствителен стомак.
Иако двата зеленчуци се освежителни и богати со витамини, кога се консумираат заедно, можат да предизвикаат повеќе штета отколку корист.
Еве зошто сепак треба да размислите пред да ги ставите во иста чинија.
Мешањето домати и краставици во салата можеби не е идеално за варењето бидејќи имаат различни дигестивни својства.
Кога ензимите за варење ќе стигнат до желудникот и ќе започне ферментацијата, киселината што се создава може да предизвика разни дигестивни проблеми.
Затоа, не се препорачува комбинирање на намирници што се варат различно, бидејќи полесните намирници поминуваат побрзо, додека потешките се задржуваат.
Ова може да предизвика надуеност, гасови и непријатност кај некои луѓе, особено оние со чувствителен дигестивен систем.
Исто така, се верува дека оваа комбинација може да влијае на апсорпцијата на хранливите материи.