Сезоната на празници заврши и сега се „вративме во реалноста“. Откако ќе претераме со слатки и колачи, треба темелно да се детоксицираме. Можеби не сте слушнале за еден сосема необичен метод што би можеле да го испробате.
За да го започнете денот со детоксикација, важно е да внесете нова „тајна“ состојка. Тоа е сладок компир (батат) кој може многу да го намали вашиот апетит.
Напитокот се подготвува на посебен начин.
Истражувачите од Јапонија предлагаат слаткиот компир да се свари и потоа да се испие водата во која се варел.
Имено, откриено е дека протеините што остануваат во водата по готвењето на слаткиот компир делуваат ефективно на намалување на апетитот кај глувците и веруваат дека истото дејство би го имале и кај луѓето.
Експертите велат дека резултатите се ветувачки бидејќи покажале дека оваа „отпадна“ вода може да се искористи наместо едноставно да се фрли.