Готвено или сурово цвекло?

Цвеклото (Beta vulgaris) е еден од коренестите зеленчуци кој е препознатлив по темноцрвената боја и слаткиот вкус. Богат е со хранливи материи неопходни за здравје и младешки изглед како што се железо, фолна киселина, јод, сулфур, манган, калиум, бакар, магнезиум, фосфор, витамини Ц и Б6. Додека од една страна цвеклото е богато со хранливи материи и антиоксиданти, од друга е и нискокалорично.

Во народната медицина се користи за лекување на анемија, спречување на воспаленија, намалување на крвниот притисок, заштита од тумори, зајакнување на имунитетот и структурата на коските и зајакнување на видот и либидото.

Поздраво е она цвекло со потемна боја и долгнавеста форма. По долготрајно внесување на цвекло во поголеми количини, може да настанат одредени здравствени проблеми, како чувство на тежина во желудникот и тегоби со варењето.

Треба да се напомене дека при консумирање на цвекло, урината и столицата добиваат црвеникава боја, што е сосема нормално.

Готвеното цвекло не е лековито. За лекување, се консумира исклучиво сурово.

Смути од цвекло за чистење на организмот

Состојки:

1 помало цвекло

1 морков

1 краставица

1 јаболко

1 излупен лимон

0,5 цм излупен корен од ѓумбир

Приготвување:

Излупете ги цвеклото и јаболкото, па исечкајте ги на помали парчиња. Исечкајте го и морковот и додадете малку вода.

Сите состојки се ставаат во блендер и се мешаат додека не се соединат. Ако смутито е премногу густо, додадете уште малку вода, а ако е премногу ретко додадете уште јаболка.