Како да ја направиме брзата храна поздрава

Фото: Unsplash
243

Дали навистина можете да направите од тестенините, пиците и хамбургерите здрав оброк? Секако, може, нема магија, ама има неколку трикови

Честото консумирање брза храна може да доведе до многубројни здравствени проблеми. За да се избегнат, има неколку трикови со кои можете оние најчестите омилени оброци брза храна да ги направите малку поздрави…

Хамбургер

И за хамбургерот има неколку начини да биде поздрав. За почеток, не треба да се претерува со масло додека се пече месото и – умерено со сосовите. Не се става ниту премногу кашкавал, а плескавицата може да се збогати со повеќе зеленчук. Исто така, лебот може да се изостави, а да се користат само листови зелена салата.

Јаглехидрати

Тестенини, леб, ориз, тортиљи… Сите овие намирници често се наоѓаат во оброците. Советот тука гласи – лебот се прескокнува (или намалува) и се избира храна со цели зрна, бидејќи тaa е богатa со растителни влакна. Ова позитивно ќе влијае на варењето, а човек се чувствува сит подолго време, па и консумацијата е помала од вообичаено.

Пица

Наместо класично тесто, се препорачува пица од карфиол – со многу зеленчук и да не се претерува со сирење. Друга можност е да се користат тортиљи наместо тесто за пица.

Пржена храна

Компири, рибји стапчиња, пилешки медалјони, похувано сирење… Сите овие пржени јадења не се којзнае колку хранливи, но се многу калорични. Ваквата храна треба да се подготвува во врела фритеза или во рерна. Не дека храната ќе добие похранлива вредност, но според познавачите, поради избегнување на маслото за јадење, таа ќе биде барем помалку калорична.

Вечерата…

За вечера се препорачуваат закуски засновани на овошје, зеленчук и мешунки. Сѐ тоа ќе му даде на телото доволно хранливи материи, а нема да биде лишено од богат вкус.

Чоколадо

И десертите може да се подготват на поздрав начин. Пред сѐ, млечното чоколадо се заменува со црно. Тоа има повеќе хранливи материи и позитивно делува на организмот, но секако, важно е и тоа да биде во умерена количина.

На крај, секако, важно е исхраната да е урамнотежена и да не се претерува во ништо. Но, нема ништо лошо во тоа – само повремено да им се препуштате на овие „забранети задоволства“.