За Нова година е обичај да се јаде сарма, а бидејќи некои луѓе не јадат месо или во овој период од годината постат, ви пренесуваме рецепт за вкусни и лесни веге-сарми
Сармата е зимско јадење кое повеќето луѓе сакаат да го јадат, а има една карактеристика што не е типична за храната – колку повеќе стојат, толку се подобри. Така може да остане во фрижидер со денови, а вие не мора да размислувате што да направите за ручек. Но, дали сте ја пробале вегетаријанската верзија? Вегетаријанската сарма е исто толку добра, но полесна.
За Нова година е обичај да се јаде сарма. Затоа во продолжение ви пренесуваме рецепт за вкусни и лесни веге-сарми кои ќе ги воодушеват дури и љубителите на месо.
Вегетаријанска сарма од соја
Доколку сакате кратка пауза од месото и поздрава верзија на сарма, сојата обезбедува доволно хранливи материи како протеини, масти и јаглехидрати.
Состојки:
1 главица кисела зелка
250 гр трошки од соја
1 чаша ориз
2 големи моркови
2 праза
2 чешниња лук
маслиново масло
сол и црн пипер
црвен пипер по желба.
Приготвување:
Морковот и празот исчистете ги, морковот изрендајте го, а празот исечкајте го на тенки прстени.
Излупете го и ситно исечкајте го лукот, а оризот измијте го во ладна вода и процедете го.
Потопете ги трошките од соја во вода 10 минути.
На малку маслиново масло пропржете ги лукот, празот и измиениот ориз.
Кога лукот ќе добие златна боја, додадете моркови и соја трошки и малку пропржете ги.
Потоа додадете сол, црн и црвен пипер и други зачини што ги сакате.
Одделете ги листовите од киселата зелка и измијте ги за да не бидат многу солени.
Додадете една лажица од пржената смеса во вдлабнатината на секој лист зелка. Завиткајте сарми на наредете ги во длабоко тенџере и покријте ги со вода.
Варете ги околу два часа, а во водата за готвење можете да додадете зачини по избор или ароматични билки како жалфија, босилек или ловор.
Сармата е готова кога ќе се сварат сојата и оризот, а потоа можете да ги послужите со варен компир или пире.
Можете да ги загреете или замрзнете и подоцна да ги јадете.
Ако не сакате соја или сејтан, но сепак сакате да пробате вегетаријанска верзија на сарма, можете да ја направите и со леќа. Супата од леќа е хранлива, здрава и вкусна. Постојат неколку видови и бои на леќата, така што на зелената леќа и треба малку повеќе време за да се готви, додека црвената леќа лесно се преварува. Во зависност од времето што го имате на располагање и вашиот личен вкус, одберете ја леќата што сакате да ја јадете.
Покрај леќата, вегетаријанската сарма може да се направи и од кој било зеленчук или семе што го сакате, а доста популарна е и сармата од орев.