Советите кои ни ги даваат експерти од различни профили, а се засноваат на научни истражувања, често се контрадикторни. Еден таков совет се однесува на појадокот.
Од една страна, прехранбената индустрија го промовираше појадокот како најважен оброк во денот и покрај фактот што неговото прескокнување всушност нема лоши последици.
Од друга страна, квалитетниот и добро избалансиран појадок го подобрува расположението бидејќи мозокот ги прима хранливите материи и ја обезбедува енергијата потребна за тој ден.
За да се надминат овие спротивставени наоди, според Bright Side, најдобро е да избегнувате одредена храна наутро. Еве која и зошто.
Путер и тост
Спротивно на она што го мислат повеќето луѓе, појадокот не мора нужно да биде оброк со малку маснотии. Трикот е да го пронајдете идеалниот тип на маснотии. Путерот содржи многу витамини растворливи во масти, од кои најважни се витамините А, Е и К2. Но, освен здрави масти, содржи и многу заситени масти, кои можат штетно да делуваат на срцето и крвните садови и да придонесат за зголемување на телесната тежина. Ова секако важи доколку го консумирате во поголеми количини.
Наместо тоа: на тост намачкајте путер од кикиритки. Студијата Effect of peanut processing on body weight and fasting plasma lipids, открива дека кикиритките и чистиот путер од кикиритки го намалуваат чувството на глад во текот на денот бидејќи го зголемуваат производството на пептид YY, хормон кој го регулира гладот.
Ситни пченкарни и житни снегулки
Житарките за појадок се класика, но иако се практични и лесни за подготовка, повеќето од нив содржат многу додадени шеќери кои лесно можат да се претворат во сало на стомакот.
Истражувањето Cereal flake size influences calorie intake покажало дека снегулките со помала големина се поврзани со поголем внес на калории бидејќи луѓето сервираат помалку житарки кога се поголеми по волумен и обратно.
Наместо тоа: Јадете домашна овесна каша без шеќер која содржи здрава количина на влакна и без додадени шеќери. Ако јадете помалку шеќер наутро, ќе избегнете чувство на глад и умор околу пладне. Ако сепак не сакате да се откажете од житарките наутро, одберете ги оние покрупните.
Палачинки и вафли
Сите палачинки и вафли не се исти, зависи од што се направени, ако се направени од интегрално брашно тогаш се прифатливи. Меѓутоа, ако се направени од бело брашно и се полни со шеќер, тоа значи дека содржат многу рафинирани јаглехидрати, што ќе ве изгладне за два или три часа. Ваквите палачинки не содржат ниту доволно количество влакна, што е важно за здраво варење.
Наместо тоа: Изберете некои од различните рецепти за палачинки со здрави видови брашно и овошје.
Јогурт со малку маснотии
Јогуртот и млечните производи со малку маснотии се прилично вообичаен избор, но таквите производи не содржат доволно протеини и поради нивната мала содржина на масти брзо ќе почувствувате глад. Истражувањата покажале дека јогуртот со поголем процент на маснотии придонесува за слабеење.
Наместо тоа: Изберете јогурт со поголема содржина на масти и без шеќер.
Цеден сок
Според истражувањето Fruit juice: Just another sugary drink?, повеќето овошни сокови содржат исто количество шеќер како и купечките сокови, што ги прави еден од најлошите избори за појадок или за конзумирање воопшто. Тие исто така не содржат речиси никакви влакна. Има уште една причина зошто течниот појадок не е адекватна замена за цврста храна. Многу луѓе, ако не џвакаат, се чувствуваат како да не јаделе ништо и брзо сакаат да изедат нешто конкретно.
Наместо тоа: Јадете редовно овошје или правете смути бидејќи ги содржи влакната од овошјето.
Овие намирници исто така не се препорачуваат: јаболка, лук, круши, грав и праски
Јаболката, лукот, крушите, гравот и праските содржат ферментирачки олигосахариди, дисахариди, моносахариди и полиоли. Тоа се јаглехидрати на кои луѓето се чувствителни бидејќи потешко се варат од другите, што предизвикува надуеност. Овие намирници не треба да се избегнуваат бидејќи содржат голем број на корисни материи, но подобро е да се јадат подоцна во текот на денот кога дигестивниот систем е поактивен.
Наместо тоа: ако навистина ги јадете наутро, одлучете се за мали количини од овие намирници во комбинација со здрава количина на масти и протеини за полесно да се сварат.