Пиењето вода пред и за време на оброците е навика која многумина ја имаат. Новите откритија сугерираат дека пиењето вода за време на оброците прави повеќе штета отколку корист.
Зошто не е добро да се пие вода за време на оброците? Во својата книга „Go With Your Gut“, нутриционистката Робин Џоукилис тврди дека оваа навика му штети на варењето и апсорпцијата на хранливите материи во телото.
Таа препорачува да не се пие вода половина час пред и еден час по оброкот. Ако навистина треба да пиете вода за време на оброците за полесно да ја голтнете храната, пијте мали голтки. Во спротивно, ако испиете голема количина вода одеднаш за време на оброкот, резервите на хлороводородна киселина во желудникот може да се разблажат, што е пресудно за правилно разградување на храната.
„Пиењето вода додека јадете може да направи повеќе штета отколку добро. Премногу течности за време на оброците може да предизвика надуеност, проблеми со варењето и да ја спречи правилната апсорпција на хранливите материи“, потврдува и нутриционистката Али Милер.
Идеалната pH вредност во желудникот, додава таа, е 1 до 2, а таквото ниво на киселост помага во разградување на протеините, го стимулира ослободувањето на дигестивните ензими, помага во апсорпција на витамини како Б12 и ја претвора храната во каша што го олеснува варењето. Кога пиете за време на оброците, целиот процес се забавува, а потоа се појавуваат надуеност и лошо варење.
Тогаш кога е најдобро да се пие вода? За здраво варење за време на оброкот пијте најмногу два децилитри вода (во мали голтки). Во остатокот од денот, пијте вода помеѓу оброците, што ќе ви помогне да се ослободите од „лажниот“ глад што го чувствувате кога сте всушност дехидрирани.