Да се каже дека солта е апсолутно штетна е сосема погрешно и значи целосно префрлање на вината на некој кој не е виновен. Ако има виновник, а има, тогаш тоа не е солта, туку индустријата која од солта произведува отров.
Солта што сега ја нарекуваме „бел отров“ во историјата била фалена така што ја нарекувале „бело злато“? Така е, не сте прочитале погрешно, зборуваме за солта од која не можеме да се ослободиме и покрај толку многу стручни предупредувања за нејзината штетност. Значи, станува збор за можеби најнесреќниот член на познатата група наречена „три бели убијци“, брашно, шеќер и сол…
Следејќи ги медиумите, во последно време гледаме дека експертите речиси ѝ објавија војна на солта. Меѓутоа, кога ќе направиме само мало истражување, ќе видиме дека во историјата различни заедници воделе војни токму поради солта. Големите цивилизации напредувале токму држејќи ги изворите на сол под нивна контрола, благодарение на трговијата со сол, таквите заедници се развивале и се богателе.
Гледаме дека низ историјата солта имала голема вредност, спротивно на денешната состојба на отворен напад на солта. Солта имала таква вредност што некои земји, на чело со Римската империја, ги плаќале своите војници и работници со сол. Освен тоа, првиот од големите римски патишта бил изграден за транспорт на сол не само во Римската империја, туку и во внатрешноста на целиот полуостров.
Таа материја за која во историјата се знаело дека има 14 различни полиња на употреба, со текот на времето достигнала таква вредност што европските и африканските истражувачи биле во позиција да дадат грст злато за грст сол. Тоа значи дека во областите каде што било тешко да се дојде до сол, солта вредела злато. Па, токму затоа ја викале „бело злато“.
Што се случило за ова некогаш познато како „бело злато“ да стане „бел отров“?
За да го најдеме одговорот на нашето прашање, корисно е прво да ги истражиме придобивките од солта во нашата исхрана. Пред сè, треба да се нагласи дека солта – во својата природна состојба – е една од нашите најосновни потреби. Како што нашиот живот не е можен без вода, исто така не е можен без сол. Накратко, солта ни е неопходна за да живееме. Зошто?
Повеќето од нас знаат дека две третини од нашите тела се составени од вода. Во таа вода има сол! Затоа, течноста што се наоѓа во нашите клетки како и течноста околу нив е солена вода, со различна концентрација на сол во неа. А рамнотежата на течностите помеѓу тие две средини е можна само со присуство на сол. За да го објасниме уште подобро, ќе го кажеме следново: Без интензитетот на сол во нашето тело, не би било можно задржување на водата ниту во нашите вени, ниту во нашите клетки. Покрај тоа, преносот на различни хранливи материи надвор и внатре во клетките е возможен благодарение на различниот интензитет што го формира солта.
Затоа, можеме да кажеме дека има живот во солта! Згора на тоа, нема да претеруваме ако кажеме дека животот започнува со солена вода. Бидејќи плодот во мајчината утроба се наоѓа токму во кеса полна со солена вода. Во оваа вода плодот се храни, се развива и расте. Друга изненадувачка вистина е дека од 94 хемиски елементи кои се наоѓаат во природата, сите елементи освен благородните гасови, односно 84 елементи, се присутни во кристалите на природната сол. Тоа значи дека солта е единствениот природен извор кој ги содржи сите минерали кои му се потребни на човечкото тело!
Дали е можно да се живее без сол?
Се разбира, важноста на солта за човечкото тело не е ограничена само на гореспоменатото. Во суштина, за реализација на сите функции на нашиот организам, од наједноставните до посложените, навистина ни се потребни елементите што ги содржи природната сол. Бидејќи преносот на нервните импулси помеѓу нашиот мозок и сите други органи се реализира благодарение на овие елементи. Врската помеѓу мозокот и сите други клетки на нашиот организам се заснова на спроведување на импулсите на екстрацелуларната течност. Како што знаеме, чистата вода нема својство на спроводливост, но солената вода има својство на спроведување на импулси. Затоа, без сол, преносот на нервните импулси не може да се случи во нашето тело и како резултат на тоа не можат да се вршат функции како размислување, говор и движење.
Дали солта воопшто не е штетна?
Зошто солта, која е од клучно значење за луѓето, денес е толку критикувана? Зошто експертите постојано препорачуваат да ја исфрлиме солта од нашите животи? Дали лажат оние што велат: „Солта е штетна поради ова и она“?
Не, во суштина таквите изјави не се невистинити или погрешни. Значи, она што денес го користиме како сол на нашите софи е бел отров! Затоа што солта е прочистена со рафинирање. Тоа е индустриска сол и да, дефинитивно треба да ја извадиме од нашите животи.
Бидејќи рафинираната сол е навистина многу штетна за нашето тело. Секако, природната сол нема никакво штетно влијание по нашето здравје, секако, додека нејзината употреба не е прекумерна. На крајот на краиштата, сите знаеме дека се што е вишок е штетно. Порано, пред да почне да се произведува бел отров наместо бело злато, солта не била толку штетна бидејќи не била рафинирана, а се консумирала во природна состојба.
Која е разликата помеѓу рафинирана и природна сол?
Рафинираната сол се состои од 97,5% натриум хлорид и 2,5% последователно додаден јод и хемиски супстанции за задржување на влагата. Спротивно на тоа, природната сол се состои од 84% натриум хлорид и 16% природни минерали како што се фосфор, литиум, селен, калциум, магнезиум и ванадиум.
Зошто солта се рафинира?
Накратко, индустријата ја намалува природната сол само на натриум хлорид, а ги исфрла другите минерали. Но, зошто го прават тоа? Причината е едноставна: за добијат повеќе производи со помала инвестиција. Дури 93-94% од вкупното светско производство на сол не се користи за храна туку за други цели. Тука мислиме на производство на пластика, детергенти и индустриски состојки како сода и лакови. И други елементи и минерали кои се наоѓаат во природната сол се проблематични за индустриска употреба. Ова е причината зошто природната сол е лишена од сите елементи и се произведува само како натриум хлорид. Овој процес го нарекуваме рафинирање. За жал, 6-7% од добиената сол се пренесува во прехранбениот сектор. Значи, не се применува дополнителен напор или процес за посебно производство на сол што се користи за прехранбени цели.
Зошто рафинираната сол е штетна?
За време на рафинирањето, солта е изложена на температура од 650 степени. Под влијание на толку висока температура, хемискиот состав на солта се менува. Затоа рафинираната сол, за разлика од природната се создава со одвојување на нејзините кристали. Токму поради оваа причина, метаболизмот на сол е тешко да се реализира во нашето тело и бара многу повеќе енергија.
Покрај тоа, рафинираната сол, т.е. натриум хлорид, е многу агресивна супстанција за телото. Ова е причината зошто телото ја препознава рафинираната сол како отров што ја напаѓа и се обидува што побрзо да се ослободи од неа за да се заштити. И исфрлањето на рафинираната сол, која ја внесуваме во нашето тело во прекумерни количини преку индустриската храна, станува голем товар за нашиот систем за празнење. Така се јавуваат прекумерни акумулации на течност (едеми) во нашето тело.
Од друга страна, рафинираната сол која не ја исфрламе од телото, повторно се кристализира и во таква состојба се таложи во нашите зглобови и коски. Таквата состојба доведува до појава на ревматски заболувања како гихт, артритис, артроза. Покрај тоа, една од важните причинители на камења во жолчката и бубрегот е токму тоа.
Покрај сето она што го споменавме, друг проблем во рафинираната сол се хемиските адитиви кои се додаваат за солта да изгледа посветла, полабава и да не се навлажни. Меѓу овие адитиви, алуминиум силикат и алуминиум хидроксид носат особено висок ризик за појава на Алцхајмерова болест. Покрај тоа, токсичните материи кои ја спречуваат коагулацијата, како што се натриум фероцианид и калциум фероцианид, се исклучително опасни за здравјето на луѓето.
Во овој случај, да се каже дека солта е апсолутно штетна е сосема погрешно и вината се префрла на некој кој не е виновен. Ако има виновник, а има, тогаш не е солта, туку индустријата која произведува отров од сол. Рафинираната сол треба да биде забранета за консумирање. Затоа, чувајте го вашето здравје користејќи нерафинирана сол и не заборавајте: Ако солта воопшто не се згрутчува, тоа е рафинирана сол и држете се настрана од неа!