Недостатокот на овој витамин се манифестира со пад на имунитетот, но и на расположението и многу други процеси важни за функционирањето на организмот.
Витамините се есенцијални хранливи материи, неопходни за правилно функционирање на нашето тело. Ги делиме на витамини растворливи во масти А, Д, Е и К и витамини растворливи во вода, витамин Ц и витамини од групата Б.
Витаминот Б12 е неопходен за сите видови системи во телото, вклучувајќи го и здравјето на:
нервниот систем,
имунолошкиот систем,
кардиоваскуларниот систем и
гастроинтестиналниот систем.
Недостатокот на овој витамин се манифестира со пад на имунитетот, но и на расположението и многу други процеси важни за функционирањето на организмот.
Ако нема доволно витамин Б12 во телото, бидејќи не се апсорбира правилно или затоа што се добива премногу малку, овие системи ќе работат полошо, што ќе резултира со неповолни симптоми. Некои од нив се:
Замор и недостаток на енергија
Б12 е неопходен за енергетскиот метаболизам и функцијата на нервниот систем, така што неговиот недостаток ги попречува овие процеси, па логично, телото повеќе не може ефикасно да произведува енергија.
Трнење
Овој витамин е неопходен за одржување на миелинската обвивка, заштитната обвивка околу нервите. Со недостаток на витамин Б12, миелинот се распаѓа, предизвикувајќи пецкање или вкочанетост, особено во рацете и нозете.
Болен или црвен јазик
Есенцијалниот витамин Б12 е исто така важен за производство на здрави клетки, вклучувајќи ги и оние на јазикот. Слабото снабдување со кислород на јазикот доведува до смрт на клетките, што конечно се манифестира со симптоми на болен, отечен или црвен јазик.
Чиреви во устата
Недостатокот на Б12 може да влијае на здравјето и регенерацијата на мукозната мембрана на усната шуплина. Ова за возврат може да доведе до воспаление, бавно заздравување и развој на болни рани.
Мускулна слабост
Недостатокот на овој витамин доведува до помал број на здрави црвени крвни зрнца, со што се намалува снабдувањето на мускулите со кислород.
Проблеми со видот
Заматен вид може да се појави како резултат на недостаток на Б12, иако тоа е многу поретко од другите симптоми и се верува дека е резултат на оштетување на оптичкиот нерв.
Депресија и конфузија
Овој витамин е особено важен кога станува збор за менталната благосостојба.
Б12 е неопходен за производство на мозочни хемикалии како што е серотонин и одржување на здрава функција на невроните. Ниското ниво може да ги наруши овие процеси, негативно да влијае на расположението, меморијата и размислувањето.
Како да го зголемите нивото на витамин Б12?
Недостатокот на витамин Б12 може да се потврди со тест на крвта, а неговите извори главно се наоѓаат во храната од животинско потекло, како што се:
говедско месо,
свинско месо,
јајца
пилешко
риба (сардини, лосос, пастрмка и туна)
млечни производи (јогурт и сирење или растително млеко како бадемово или овесно млеко).