Добро е да се консумира храна богата со хранливи материи, како што се антиоксиданти, витамини и здрави масти, кои можат да го подобрат здравјето на кожата, да го зголемат нивото на енергија и да ги намалат воспаленијата.
Стареењето е природен процес, а правилната исхрана со годините станува уште поважна. Ако јадеме храна која ни помага да имаме урамнотежена исхрана, можеме малку да ги забавиме ефектите од стареењето и да изгледаме помлади отколку што би изгледале ако не внимаваме на исхраната.
Добро е да се консумира храна богата со хранливи материи, како што се антиоксиданти, витамини и здрави масти, кои можат да го подобрат здравјето на кожата, да го зголемат нивото на енергија и да ги намалат воспаленијата. На порталот SheFinds издвоија седум намирници кои треба почесто да се најдат на нашето мени и тоа со причина.
Боровинки
Боровинките се еден од најздравите видови бобинки. Малите, но силни, боровинки содржат антоцијани кои се борат против оксидативниот стрес и придонесуваат за здравјето на мозокот. Идеално е да ги јадете што е можно повеќе, а дневно треба да консумирате половина до една шолја боровинки.
Авокадо
Авокадото е добро позната здрава храна, богато е со здрави масти и антиоксиданси кои позитивно делуваат на зачувување на младешкиот изглед на кожата. Според SheFinds, се препорачува да се консумира барем едно авокадо секој втор ден за најдобри здравствени резултати.
Домати
Пролетта е идеална за јадење што е можно повеќе салати со домати, вкусна храна богата со витамин Ц. Редовното консумирање домати помага да се зачува еластичноста и цврстината и го штити заштитниот слој на кожата. Ако сакате да јадете што повеќе домати, експертите препорачуваат да јадете еден домат со средна големина или пет шери домати дневно.
Слатки компири
Слаткиот компир е моќна храна против стареење преполна со хранливи материи кои ѝ даваат сјај на кожата, обезбедуваат високо ниво на енергија и придонесуваат за целокупното здравје, пренесува SheFinds. Една од хранливите состојки кои се наоѓаат во слатките компири е бета-каротенот, кој ја подобрува еластичноста на кожата и штити од УВ оштетувања. Се препорачува да се јаде еден сладок компир секој втор ден за најдобри здравствени придобивки.
Киви
Кивито е здраво и често потценето овошје кое помага да се задржи влагата во кожата и да се изедначи тонот за блескав изглед. Треба да јадете и до две киви дневно доколку сакате позитивно да влијае на вашето здравје, а богат е и со витамин Ц кој го стимулира производството на колаген и регенерација на кожата.
Темно чоколадо
Темното чоколадо е познато како најздравиот вид чоколадо што можеме да го јадеме. Содржи флавоноиди кои позитивно влијаат на циркулацијата и хидратацијата на кожата, а исто така го стимулира протокот на крв и го намалува воспалението во организмот. Сепак, важно е да не се претера. Потребно е да се консумираат само една до две коцки дневно.
Чиа семе
Чиа семето често се додава во разни оброци со причина. Тоа е богато со омега-3 масни киселини, влакна и протеини важни за обновување на клетките. Како што објави SheFinds, чиа семето помага во борбата против слободните радикали кои предизвикуваат брчки и стареење на кожата, а доволно е да се консумираат една до две лажица дневно.