Слатки и со оној благо-киселкаст вкус што ги прави неверојатно вкусни, ако сакате да уживате во кајсиите и во есен и зима, еве како можете да ги замрзнете
Доколку сакате да уживате во кајсиите и во наредните месеци, во есен и зима, знајте дека можете и да ги замрзнете, цели или исечени на половина.
Доколку се чуваат во замрзнувач, треба да се потрошат во рок од 8-10 месеци и не заборавајте да ги извадите од замрзнувачот барем неколку часа пред да ги јадете.
Замрзнете цели кајсии
Изберете кајсии кои не се премногу зрели и без оштетувања.
Добро измијте ги и внимателно исушете ги.
Ставете ги во херметички садови или во соодветни кеси за храна и ставете ги во замрзнувач
Замрзнете преполовени кајсии без семки
Истата постапка можете да ја следите со преполовување на овошјето и отстранување на семките:
Изберете овошје што не е многу зрело и без оштетувања
Измијте ги со ладна вода и добро исушете ги.
Исечете ги на половина.
Отстранете ја семката.
Наредете ги половините од кајсија на плех обложен со алуминиумска фолија за храна, добро распоредени и со внатрешниот дел свртен нагоре.
Покријте го плехот со проѕирна фолија
Ставете во замрзнувач на 3 часа
Ставете ги половините од кајсија во кеси за храна, делејќи ги на неколку порции, дури после 3 часа. Благодарение на претходното замрзнување, половинките нема да се залепат една до друга
Ќесите со овошје исечени на половина ставете ги во замрзнувач и не заборавајте да ги употребите во рок од 8 до 10 месеци.