Дали е свежото секогаш најдобро? Кои се поздрави – свежи или замрзнати малини?

Фото: Unsplash
98

Малините содржат голема количина на витамин Ц, неопходен за силен имунитет и апсорпција на железо, како и витамини А и Б6, калциум и цинк.

Препорачани поради здравствените придобивки и вкусот, бобинките се сметаат за супер храна полна со есенцијални витамини, минерали и моќни антиоксиданти.

Малините се добро решение како ужина во секое време од годината. Тоа им го овозможува една важна особина, која ја зачувува и ја зголемува нивната хранлива вредност.

Малините се достапни преку целата година: Дали е „свежото секогаш најдобро“?

Предноста на малините и другите видови бобинки е нивната достапност и свежи и замрзнати. Сепак, малкумина потрошувачи сфаќаат дека замрзнатите бобинки често се поздрав избор. Распространетото мислење дека „свежото е најдобро“ особено кога станува збор за овошјето и зеленчукот, често нè лишува од можноста да уживаме во здраво овошје и во зима и во лето.

Кога станува збор за бобинки, важно е да се знае дека во замрзната форма имаат поголема концентрација на корисни хранливи елементи.

Исто така, често се поштедени од големи количини на пестициди, кои се користат за сировите бобинки да ја задржат подолго свежината.

Кои предности ги задржуваат замрзнатите бобинки во споредба со свежите?

Бројни студии покажаа дека замрзнатите бобинки ги содржат истите хранливи елементи како свежо набраните бобинки.

Повеќето од оние што ги купуваме во големите трговски синџири „трпат“ и неколку дена патување од фармата до полиците на маркетите.

Како што минуваат деновите, бобинките полека ги губат хранливите материи кои биле во висока концентрација веднаш по берењето.

Во испитувањата се користени замрзнати бобинки, кои скоро секогаш брзо се замрзнуваат, најчесто истиот ден кога се берат.

На овој начин, природните хранливи материи и антиоксиданти, најважните микронутриенти содржани во малините, капините, боровинките, јагодите, брусницата, практично се зачувани во нивната оригинална форма.

Зошто замрзнатите малини се потенцијално покорисни за здравјето од свежите?

Според заклучоците од неколку студии спроведени од научници од Универзитетот Џон Хопкинс, процесот на замрзнување на свежо набраните бобинки води до задржување на најважните нутритивни квалитети.

Како и многу растителни култури, култивираните бобинки често се изложени на разни пестициди. Бобинките наменети за продажба исклучиво свежи мора да одржуваат висококвалитетен и здрав изглед неколку дена, вклучувајќи го и времето потребно за транспорт.

За тоа се потребни големи количини на пестициди и други заштитни препарати кои се применуваат и пред и по садењето.

Значи, бобинките што завршуваат замрзнати имаат многу пониски нивоа на изложеност на пестициди и други хемикалии.

Истражувачите користеле податоци од програмата за тестирање на пестициди на USDA за да ја покажат речиси драматичната разлика во квалитетот помеѓу свежите и замрзнатите малини. Податоците на USDA покажале 52 различни видови пестициди како остатоци на свежите малини и боровинки, во споредба со дваесетина на замрзнатите.

Кои корисни состојки ги содржат малините?
Малините се нискокалорични, исклучително хранливи и богати со витамини Ц, А и Б6.

Тие се извор на квалитетни влакна, кои се неопходни за ефикасно варење.

Порција од 120 грама малини содржи само 64 калории, 14,7 грама јаглени хидрати, 8 грама влакна, 1,5 грама протеини и 0,8 грама масти. Содржината на витамин Ц е дури 54 отсто, а има и манган, железо, магнезиум, калиум и цинк.

Истражувањата покажале дека тие имаат потенцијал за превенција од малигни заболувања, дебелина, дијабетес и артритис, како и забавување на стареењето поради нивната содржина на антиоксиданти.