Овој едноставен напиток од желади не само што го загрева телото, туку нуди и многу здравствени придобивки. Ако се прашувате каде да најдете желади, сега е вистинско време, само прошетајте се во природа
Во есенските месеци, кога желадите ги има во изобилство, ви носиме едноставен рецепт кој ќе ве загрее и нахрани. Овој топол пијалак е исклучително хранлив и утешен во дождливите есенски денови.
Сировите желади се карактеризираат со горчлив вкус кој може да остави необично чувство на сувост во устата. Многу луѓе претпоставуваа дека желадите се отровни за консумирање поради нивниот непријатен вкус, но вистината е дека тие треба да се обработат пред да можат да се користат во готвењето.
За овој рецепт не ви е потребна точна количина, но неколку грста желади треба да бидат доволни за неколку шолји од овој напиток.
Едноставна подготовка
Ставете големо тенџере на шпоретот, ставете ги желадите внатре и наполнете го со вода за да ги покрие. Оставете да зоврие и варете 15 минути, дополнете ја водата доколку е потребно. Ова ќе ја омекне лушпата за полесно да ги излупите, а исто така, ова ќе го отстрани танинот во желадите што ги прави погодни. Почекајте желадите да се изладат пред да се обидете да ја излупите тврдата надворешна обвивка. Со готвењето полесно се лупат и ја намалувате нивната горчина. Откако ќе ја извадите лушпата, отстранете ја и надворешната кожа. Иако готвењето донекаде би ги омекнало лушпите, тие се сепак тешки за лупење, па ќе ви треба голем нож за да ги извадите јатките.
Ставете ги желадите на топло место да се сушат околу 24 часа.
Потоа ставете ги во плех во загреана рерна на околу 180°C да се печат и повремено мешајте ги за да се испечат рамномерно.
Времето на печењето ќе зависи од вашата рерна и количината на јаткасти плодови, но внимавајте и извадете ги кога ќе изгледаат како сушени јаткасти плодови, малку потемни во боја и со прекрасен мирис на јаткасти плодови.
Кога ќе бидат готови, време е да ги сомелете. Најдобро е тоа да го направите со мелница за кафе.
Користете 1 ипол лажичка печено кафе од желад за едно кафе кое е најдобро да се направи во бокалче за кафе (мока пот). Ако сакате, додадете малку млеко и шеќер по желба и кафето од желади е готово за пиење.
Здравствени придобивки
Овој едноставен напиток од желади не само што го загрева телото, туку нуди и многу здравствени придобивки. Да наброиме само неколку:
Тоа влијае на нарушувањата на тироидната жлезда и помага при анемија и менструални болки. Го намалува крвниот притисок, ги ублажува болките во зглобовите, го подига расположението и концентрацијата и ја подобрува општата состојба на телото.
Освен минерали, содржи и масти, протеини, јаглени хидрати и азот.