Деловите од овој зеленчук кои често ги фрламе би можеле да се користат за лекување на рак
Револуционерното истражување откри дека можеби го фрламе најдобриот дел од овој зеленчук.
Според една нова американска студија, слаткиот компир може да помогне во лекувањето на ракот. Истражувањето објавено во списанието BMC Complementary Medicine and Therapies сугерира дека делови од слатките компири кои обично се фрлаат, како што се кората, месото, стеблото, ливчињата и листовите, може да имаат моќни својства за борба против ракот.
Овие често отфрлени делови од слаткиот компир се преполни со хранливи материи, како што се биоактивни флавоноиди, познати по нивните антидијабетични, антиканцерогени, антимикробни, антиулкусни и имуностимулирачки ефекти.
Истражувањето спроведено од Државниот универзитет во Тенеси проучувало како различните делови од слаткиот компир влијаат на човечките клетки на ракот на дојката и белите дробови, откривајќи некои извонредни ефекти. Резултатите од истражувањето покажале дека екстрактот од листот од целосно виолетовиот сладок компир е особено ефикасен против клетките на ракот на дојката. Додека комбинацијата од лисја и екстракт од стеблото од слаткиот компир од сортата Каролина Руби имала позначителен ефект врз клетките на ракот на белите дробови.
И двата вида екстракти „значително ја намалиле“ одржливоста на канцерогените клетки или бројот на клетките на ракот што преживеале.
Во некои случаи, екстрактите од сладок компир биле подеднакво ефикасни, па дури и повеќе од вообичаениот лек за рак на дојка, тамоксифен. Овие наоди укажуваат на можноста за користење на слатките компири како природен додаток на лекувањето на ракот.
И покрај ова, тимот на научници побарал дополнително истражување за детално да проучи како слатките компири може да се користат за лекување на рак.
Здравствените придобивки поврзани со слаткиот компир не се ново откритие. Претходните истражувања покажаа дека екстрактите од листовите од сладок компир може да помогнат во намалувањето на ризикот од разни здравствени проблеми како што се алергии, проблеми со срцето, катаракта, па дури и рак.
Додека повеќето претходни истражувања се фокусирале на коренот на слаткиот компир – делот што обично го јадеме – вреди да се напомене дека целото растение се користи во народната медицина со векови.
Генерално, наодите од истражувањето ја нагласуваат важноста од вклучување на листовите и стеблата на слаткиот компир во вашата редовна исхрана. Не само поради нивните прехранбени предности, туку и поради нивната потенцијална улога во превенцијата од рак.