Доматите можат да ја намалат штетата предизвикана од пушењето бидејќи содржат кумарин и хлорогена киселина, супстанции кои помагаат да се неутрализираат штетните ефекти.
Доматите се омилен зеленчук на многу луѓе поради нивниот освежителен вкус и разновидноста во кујната.
Може да се јадат свежи, варени, како состојка во салати, сосови, супи и многу други јадења. Нивниот слатко-кисел вкус одлично ги надополнува различните кулинарски креации, што ги прави незаменлив дел од многу рецепти.
Освен што се вкусни, доматите се и многу здрави, богати со витамини и антиоксиданти кои придонесуваат за општото здравје.
Многу луѓе не јадат доволно често домати, а има многу причини зошто треба да ги вклучите во вашата секојдневна исхрана.
Истражувањата покажале дека ликопенот присутен во доматите, може да го спречи развојот на клетките на ракот, особено ракот на простата, желудникот и дебелото црево.
Интересно е тоа што варените домати содржат поголема количина на ликопен од сировите домати, пишува Oxford Academic.
Доматите се богати и со витамин Ц, кој делува како природен антиоксидант.
Покрај тоа, тие содржат витамин А, железо и калиум, кои се неопходни за здравјето на нервите и одржување на нормалната циркулација на крвта.
Витаминот К, присутен во доматите, е важен за правилно згрутчување на крвта.
Редовното консумирање домати исто така ќе ѝ помогне на вашата кожа да остане здрава и блескава.
Доматите можат да ја намалат штетата предизвикана од пушењето бидејќи содржат кумарин и хлорогена киселина, супстанции кои помагаат да се неутрализираат штетните ефекти.
Доколку сакате да ослабнете, доматите се одличен избор.
Нискокалорични и богати со влакна, ќе ви помогнат да се чувствувате сити подолго време.