На предавањето насловено како „Кокосовото масло и други грешки во исхраната“ на Универзитетот во Фрајбург, д-р Карин Мичелс, епидемиолог и професор на Универзитетот Харвард рекла дека ова масло е „најлошото нешто што можете да го внесете во себе“ и дека е „чист отров“.
При подготовка на храна на високи температури, маслото во рерна може да достигне температура од 120-160 степени Целзиусови, а во тава до 250 степени Целзиусови. За готвење и печење не би требало да се користат масла од кикиритки, ореви, бадеми, сончоглед, семки од грозје, коноп, од ленено семе и од тиква. За пржење се препорачуваат животински масти: свинска маст, маст од мангулица, како и гусја маст бидејќи е одлична за подготовка на сите видови јадења и за печење.
Маслата што треба да се користат како прелив за салати се сончогледово, маслиново, пченкарно, масло од репка и ленено масло. Ако овие масла се загреат, тие ослободуваат слободни радикали и производи од липиден оксид, кои предизвикуваат воспалителни процеси и имаат штетно влијание врз здравјето.
Сончогледовото масло е богато со омега-3 масни киселини, но неговото загревање на високи температури може да предизвика хронични заболувања како што се дијабетес, метаболички промени, автоимуни процеси и ендокрини заболувања. Маслото од ленено семе е богато со омега-3 и омега-6 масни киселини, како и со витамин Е, но се разградува на високи температури, поради што е најдобро да се користи само ладно.
Експертите се согласуваат за едно масло
За оние кои го сметаат за здраво, кокосовото масло е магично решение за сè, од лоша коса до дебелина и хемороиди. Во исто време, многу луѓе ги оспоруваат наводните моќи на кокосовото масло, па дури и одат во друга крајност – тврдејќи дека е токсично. Една од нив е д-р Карин Мичелс, епидемиолог и професор на Универзитетот Харвард.
На предавањето насловено како „Кокосово масло и други грешки во исхраната“ на Универзитетот во Фрајбург, Мичелс рекла дека ова масло е „најлошото нешто што можете да го внесете во себе“ и дека е „чист отров“.
Мичел го темели своето предупредување на високиот процент на заситени масти во кокосовото масло, за кое е познато дека ги зголемува нивоата на таканаречениот LDL холестерол, а со тоа и ризикот од кардиоваскуларни заболувања. Кокосовото масло содржи повеќе од 80 проценти заситени масти, што е двојно повеќе отколку во свинската маст и 60 проценти повеќе отколку што може да се најде во говедското месо.
Минатата година, Американската асоцијација за срце објави студија која покажува дека три четвртини од американската јавност го смета кокосовото масло за здраво, но само 37 проценти од нутриционистите се согласиле со тоа. Авторите ја објасниле разликата со маркетингот на кокосовото масло во популарниот печат. Дури и во заклучокот на студијата, постои препорака да не се користи кокосово масло.
Други организации издале слични предупредувања:
„Кокосовото масло може да се вклучи во исхраната, но бидејќи е богато со заситени масти, треба да се користи во мали количини и како дел од здрава и балансирана исхрана. До денес, нема силни научни докази што ги поддржуваат здравствените придобивки од консумирањето кокосово масло“, препорачува Британската агенција за безбедност на храната.
„Кокосовото масло содржи околу 86 проценти заситени масти, околу една третина повеќе заситени масти од путерот“, вели Викторија Тејлор, диететичар во Британската фондација за срце.
„Постојат шпекулации дека некои од заситените масти во кокосовото масло може да бидат подобри за нас од другите заситени масти, но досега нема доволно висококвалитетни истражувања за да ни дадат дефинитивен одговор.“
Како да готвите и како да го чувате маслото
За да ги зачувате неговите корисни својства, треба да ги следите овие правила:
- кога пржите храна, никогаш не го загревајте маслото толку многу што ќе чади;
- намалете го вкупното време на пржење или готвење;
- никогаш не го користете повторно истото масло;
- не оставајте шише масло на сонце; секогаш чувајте го маслото на темно и ладно место, цврсто затворено.