Исхраната која вклучува овошје и зеленчук може да го намали ризикот од појава на рак на белите дробови, но и да им помогне на оние кои се борат против него. Има неколку основни и лесно достапни намирници кои се одлични во оваа улога
Дали знаевте дека ракот на белите дробови не бил толку чест пред 1930 година, но се зголемил драматично во текот на следните децении, најмногу како резултат на зaчестеноста на пушењето кај двата пола.
Освен пушењето, новите докази покажуваат дека и исхраната може да игра значајна улога во оваа болест.
Имено, исхраната која вклучува овошје и зеленчук може да го намали ризикот од рак на белите дробови, додека потрошувачката на црвено месо, заситени масти и млечни производи го зголемува ризикот.
Зошто некои намирници се антиканцерогени и кои соединенија спречуваат рак?
Најновите истражувања покажале дека ризикот од карцином на белите дробови (и кај непушачите) се зголемува доколку нивната исхрана има висок гликемиски индекс, што е храна што релативно брзо го зголемува шеќерот во крвта.
Храна која има висок гликемиски индекс се: компири, бел ориз, тестенини, сок и житни култури. Исто така, треба да се избегнуваат и додатоци (но не и намирници) кои содржат бета каротен.
Ова се намирниците што треба да ги јадете за борба против ракот на белите дробови кои природно можат да го намалат ризикот:
Јаболка
Јаболката, како и крушите, содржат фитохемиски флоретин кој помага во апоптоза на карцином на бели дробови (што е програмирана клеточна смрт на клетки кои се болни или стари).
Друга студија покажала дека фитохемискиот флоретин го потенцира ефектот на лековите против рак.
Јаболката исто така содржат доза на растителни влакна и фитохемикалија наречена кверцетин која игра важна улога во инхибиција на растот на неколку видови на рак.
Јаболката се поврзани со голем број придобивки кои помагаат во поттикнување на долгорочно здравје.
Ф’стаци
Овие јаткасти плодови се добар извор на витамин Е, за кој се покажало дека е моќен додаток во исхраната.
Имено, жените кои пушеле имале 47 проценти помали шанси да заболат од рак на белите дробови доколку јадат намирници богати со витамин Е.
Покрај ф’стаци, добри извори на витамин Е се и семките од сончоглед, бадемите и пченичните никулци.
Ф’стаците содржат и лутеин и зеаксантин, два каротеноиди поврзани со намален ризик од рак на белите дробови.
Рукола
Како и брокулата и прокељот, и ова растение содржи моќно соединение сулфорафан, кое се бори против ракот. Консумирањето на овој зеленчук е поврзано со намален ризик од неколку видови на рак, особено рак на белите дробови и дебелото црево.
Сулфорафанот се чини делумно ја спречува инхибицијата на ензимот хистон деацетилаза, за кој се знае дека е вклучен во растот и размножувањето на клетките на ракот.
Исто така, руколата содржи и други хранливи материи во борбата против ракот, како што се влакна, фолати, каротеноиди и флавоноиди.
Лук
Традиционален лек во борбата против разни настинки, може да стане и ваш сојузник во превенцијата од рак на белите дробови.
Едно истражување покажало дека луѓето кои консумираат сиров лук најмалку двапати неделно го намалуваат ризикот од карцином на белите дробови за 44 проценти.
И да, сировиот лук изгледа важен затоа што се верува дека неговите сулфурни соединенија се одговорни за неговите придобивки, а многу се намалуваат кога се изложени на топлина.
Овие соединенија делуваат на сузбивање на ракот во телото, инхибицијата на ангиогенезата (раст на крвните садови) и на поправка на ДНК.
Црвен кромид
Црвениот кромид, капарот и јаболкото се врвен извор на кверцетин, фитохемикалија со силни антиоксидантни својства за која се докажува дека го инхибира растот на неколку видови на рак. Една неодамнешна студија спроведена на глувци покажала дека кверцетинот бил ефикасен во инхибиција на метастазата (проширување на ракот на друг дел од телото и главна причина за смрт од рак) на карциномот на белите дробови, но исто така го продолжил и животниот век на глувците кои имале рак на белите дробови.
Боровинки
Шумските плодови содржат антиинфламаторни флавоноиди наречени антоцијанини, за кои многу експерти веруваат дека се едни од најсилните фитохемиски антиоксиданти.
Ѓумбир
Ѓумбирот содржи моќни антиинфламаторни и антиоксидантни соединенија кои го прават одличен за намалување на ризикот од воспалителни болести како што е ракот.
Тие исто така помагаат во одржување на избалансираното ниво на шеќер и инсулин во крвта што индиректно може да го намали ризикот од различни видови на рак со зачувување на факторите на раст слични на инсулин.
Покрај тоа, лабораториските студии сугерираат дека соединенијата во ѓумбирот можат директно да ги попречат патиштата кои обично помагаат во ширењето на клетките на ракот на белите дробови, намалувајќи ја веројатноста за појава на метастаза.
Грав и леќа
Не само што гравот и леќата се фантастичен извор на растителни влакна, што може да го намали ризикот од рак, туку тие се збогатени и со фолна киселина која е антивоспалителна.
Овој витамин Б може да биде од особено значење за луѓето кои пушат или кои неодамна престанале да пушат бидејќи пушењето го намалува нивото на фолати во организмот.
Едно истражување открило дека пушачите кои добиле повеќе фолати во исхраната го намалуваат ризикот од рак на белите дробови за 40 проценти, што укажува на тоа дека помага во заштита на здравите клетки од канцерогените материи во чадот од цигари.
Други извори на фолати вклучуваат лиснат зеленчук и агруми (лимони, портокали).
Важно е да се напомене дека целокупната исхрана е поважна од намирниците на оваа листа. Затоа, обидете се да внесете овошје и зеленчук во вашата дневна рутина.
Папаја
Ова тропско овошје е добар извор на бета-криптоксантин, кој е поврзан со намален ризик од рак на белите дробови кај непушачите.
Не се обидувајте да го набавите ова или кое било друго хемиско соединение преку додатоци во исхраната – тие всушност можат да го зголемат ризикот од рак.
Покрај тоа, папајата содржи витамин Ц и фолати, И двете играат улога во намалувањето на ризикот од рак.