Хељдата има бројни придобивки за здравјето, а се консумира и како појадок и како ручек и како вечера

Од неодамна хељдата стана многу популарна благодарение на високата содржина на минерали и антиоксиданти. Покрај 6 грама протеини, 4,5 грама влакна и дури 33 грама јаглени хидрати, таа содржи и многу здрави хранливи материи и затоа е одличен сојузник во одржувањето на здравјето на срцето, а помага и во губење на тежината и управување со дијабетес. Најчесто се одгледува на северната хемисфера, особено во Русија, Казахстан, Кина и Источна Европа, а освен што е вкусна, е и евтина храна со која можете да направите многу различни јадења.

Бидејќи, освен минерали, хељдата содржи и фитинска киселина, пред подготовката задолжително треба да ја оставите да кисне најмалку осум часа. Со хељда се подготвуваат и солени и слатки јадења, а од неа можете да направите и брашно за леб или за колачи. Можете да ја јадете наутро како каша и да додадете малку мед, јаткасти плодови и овошје, а може да ја зготвите и како ориз со зеленчук и печурки и да ја послужите за ручек или вечера.

Како цело зрно, хељдата може да има придобивки за здравјето на срцето.

Американското здружение за срце (АХА) препорачува најмалку половина од житарките во исхраната да бидат цели зрна. Храната од цело зрно содржи хранливи материи важни за здравјето на срцето, вклучувајќи влакна и ниацин.

Преглед на студија од 2015 година открива врска помеѓу исхраната богата со цели зрна и помал ризик од срцеви заболувања. Студиите на животни откриле дека хељдата може да го намали крвниот притисок, што исто така може да го подобри здравјето на срцето.

Таа е добар извор на растителни влакна. Диеталните влакна помагаат во подобрување на нивото на холестерол во крвта, што пак го намалува ризикот од срцеви заболувања, дијабетес, мозочен удар и дебелина.
Хељдата има и подобрена контрола на шеќерот во крвта. Има низок до среден гликемиски индекс, што значи дека е безбедна за повеќето луѓе со дијабетес тип 2. Една студија покажала дека хељдата го намалува нивото на шеќер во крвта за 12-19%. Се смета дека овој ефект се должи на уникатното соединение Д-хиро-инозитол. Покрај тоа, некои компоненти на леќата се чини дека го спречуваат или го одложуваат варењето на шеќерот. Има многу соединенија здрави за срцето, како што се рутин, магнезиум, бакар, влакна и одредени протеини. Рутинот може да го намали ризикот од срцеви заболувања преку спречување на згрутчување на крвта и намалување на воспалението и крвниот притисок. Утврдено е дека го подобрува липидниот профил во крвта. Лошиот профил е добро познат фактор на ризик за срцеви заболувања. Подобрениот липиден профил во крвта, вклучува пониски нивоа на ЛДЛ (лош) холестерол и повисоки нивоа на ХДЛ (добар) холестерол. Се верува дека овој ефект е предизвикан од еден вид протеин кој се врзува за холестеролот во вашиот дигестивен систем, спречувајќи ја неговата апсорпција во крвотокот.

Хељда со печурки

1 шолја хељда

2 шолји вода

Маслиново масло

1 голема главица кромид

Околу 300 г печурки по ваш избор

Малку свеж магдонос и црн пипер

Приготвување:

Накиснете ја хељдата од вечер, па следниот ден исплакнете ја и ставете ја во тенџере, па додадете свежа вода. Поклопете ја со капак и оставете ја на умерен оган да врие околу 10 минути.

Во меѓувреме, во тавче загрејте малку маслиново масло и додајте го ситно сечканиот кромид. Динстајте околу 5 минути, а потоа додајте ги печурките и динстајте дополнителни 5 минути. Зачинете по желба. Додадете ја подготвената хељда и исечканиот магдонос и измешајте. Тргнете ги од оган и ако сакате, додадете малку маслиново масло. Послужете го јадењето топло.

Хељдата како појадок

Состојки:

Хељда

Млеко, јогурт или кефир

овошје и јаткасти плодови по избор

Приготвување:

Оставете ја хељдата преку ноќ во вода. Наутро исплакнете ја, ставете ја во тенџере, повторно во истиот сооднос и оставете да се свари.

Потоа можете да ѝ додадете млеко, јогурт или кефир по ваш избор, некое суво или свежо овошје и/или јаткасти плодови, а можете да додадете и малку мед.