И пече и лекува: Копривата е добра за црниот дроб, уринарниот систем и варењето, а го намалува и притисокот

Кога мислиме на коприва, прво помислуваме на тоа дека може добро да не испече ако случајно ја

допреме со голи раце, но сепак е исклучително корисна за здравјето и е широко распространет

народен лек за многу болести. Се смета за плевел, се препознава по темнозелените триаголни

листови со назабени рабови. Цвета од мај до септември, а лековити се сите нејзини делови иако

најчесто се користат листовите и корените.

Здравствени придобивки

Традиционално, копривата се користи за болести на уринарните органи, за прочистување на крвта,

за анемија, дигестивни проблеми, отежнато дишење и астма, за ревматски проблеми, за

намалување на крвниот притисок, за камења во бубрезите, за несоница, за гинеколошки проблеми,

за здравје на црниот дроб и панкреасот. Помага за намалување на гликозата во крвта, диуретик е, а

помага и при поленска треска.

Се користи како чај (листови), сок, за плакнење на косата (сув или свеж корен), бидејќи го зајакнува

коренот на косата и го спречува нејзиното опаѓање. Чајот не се вари, само се прелива со топла

вода и се остава пет минути. Како превентивна мерка може да се пие секој ден шолја чај од

коприва, особено затоа што е добар и против вирусни и бактериски инфекции. Листовите и

коренот на копривата се богати со здрави состојки. Има витамини А, Ц, К и дел од витамините од Б

комплекс, од минералите калциум, железо, магнезиум, фосфор, калиум и натриум, ги содржи сите

есенцијални амино киселини, корисни масни киселини, полифеноли (кверцетин, кофеинска

киселина, кумарин …), пигменти (бета-каротен, лутеин и други). Многу од овие состојки делуваат

како антиоксиданти во нашето тело.

Против воспалителни состојби

Уште старите Египќани користеле коприва за лекување на артритис, а римските војници се триеле

со неа за да се загреат. Денес знаеме дека може да го намали хроничното воспаление попречувајќи

го производството на повеќе хормони кои поттикнуваат воспаление. Студиите со луѓе покажале

дека нанесувањето крем од коприва и земање производи од коприва може да ја намали болката од

артритис, толку многу што на испитаниците им требале помалку антиинфламаторни лекови.

Копривата е ветувачки лек против алергија на полен. Неговиот екстракт, се верува, може да го

потисне воспалението што може да биде поттик за сезонски алергии. Ова вклучува блокирање на

хистаминските рецептори и спречување на имуните клетки да предизвикаат алергиска реакција.

Исто така, постојат докази дека копривата го намалува нивото на шеќер во крвта, згора на тоа,

содржи состојки кои го имитираат ефектот на инсулинот, а некои истражувања сугерираат дека

може да помогне при зголемена простата. Помага во заштита на црниот дроб од токсини, тешки

метали и воспаленија. Таа е природен диуретик и му помага на телото да ги исфрли вишокот

течности и сол, што исто така привремено го намалува крвниот притисок. Копривата речиси и да

нема несакани ефекти, но во ретки случаи контактот со неа може да предизвика опасна алергиска

реакција. Бремените жени не треба да ја користат бидејќи копривата може да предизвика грчеви

на матката, што го зголемува ризикот од спонтан абортус. Консултирајте се со вашиот лекар ако

сакате да земате коприва додека земате лекови против згрутчување на крвта, антидијабетични,

антихипертензивни или диуретици. Копривата може да има интеракција со нив и, на пример, да го засили дејството на диуретиците.

Го намалува крвниот притисок

Копривата е народен лек за намалување на високиот крвен притисок, а истражувањата на животни

го потврдуваат овој ефект. Таа е повеќеслојна: копривата го стимулира производството на азотен

оксид, а ова соединение ги опушта мускулите на крвните садови, кои на тој начин се шират.

Понатаму, некои состојки ги блокираат каналите на калциум, што го релаксира срцето и ја намалува

силата на контракции. Во исто време, копривата ја зголемува антиоксидантната заштита на

организмот.