Ако сѐ уште пушите или неодамна сте се откажале, вашиот организам е полн со никотин од кој треба да се ослободите. За ова ќе ви помогне и секојдневниот избор на намирници
Сите сме свесни за негативното влијание на цигарите и никотинот врз нашето тело. Ако сте престанале да пушите или сте страствен пушач, најбрзиот начин да го ослободите своето тело од никотин е да ги вклучите овие намирници во вашето мени.
Спанаќ
Фолната киселина е многу важна за процесите што се одвиваат во телото, но исто така му помага на телото да се ослободи од никотинот. Спанаќот содржи големи количини на фолна киселина.
Брокула, карфиол, прокељ и зелка
Покрај тоа што овој зеленчук содржи полифеноли кои се покажале како корисни за намалување на разни воспаленија во дигестивниот систем, содржи и антиоксиданти кои го чистат организмот од бројни токсини. Гответе ги што е можно пократко за да ги зачувате сите нивни квалитети.
Зелен чај и витаминска вода
Со пушење цигари, телото ја губи потребната течност и телото многу побрзо дехидрира. Пиењето многу домашна витаминска вода што можете лесно да ја подготвите сами и зелен чај полн со антиоксиданти, ќе ви помогне да го исфрлите никотинот од вашето тело.
Моркови
Никотинот ја уништува кожата и ја прави безживотна и сува. Ако сакате да се ослободите од оваа грда нуспојава на пушењето, јадете што повеќе моркови. Содржи големи количини на витамини А, К, Ц и Б, кои се главните средства за чистење на телото. Морковот исцедете го во соковник помешан со јаболко и лимон или ставете го во салата.
Киви, лимон и портокал
Покрај водата, никотинот ги отстранува од организмот и витамините А, Ц и Е, кои го зајакнуваат имунитетот и му помагаат на телото да се бори против разни инфекции и бактерии. За да ги надоместите изгубените витамини, посегнете по киви или испијте чаша лимонада. Сокот од портокал го хидрира организмот, му ги обезбедува потребните витамини, но и го чисти организмот од никотин. Исцедете два портокали, додадете малку вода и пијте помеѓу оброците.