Искористете го целиот плод: од семките на јапонско јаболко се прави кафе, а од кората, засладувач

Фото: Freepik
830

Ова вкусно овошје има повеќе здравствени придобивки. Се користи како лаксатив, за лекување на цревни заболувања, за нарушено варење, кај тешки стомачни заболувања, за проблеми со хемороиди, како помош против болести на црниот дроб и жолчката…

Јапонското јаболко уште се нарекува и каки или персимон, а станува збор за тропско лековито овошје. Има златно жолта боја, мазна кожа и сладок вкус.

Персимонот доаѓа од Јапонија, но се одгледува низ цела Европа. Освен што е многу слатко и вкусно, јапонското јаболко е богато и со лековити својства.

Лековити својства на јапонското јаболко
Плодот на ова растение има богати хранливи својства и се користи:

како лаксатив
за лекување на цревни заболувања
за нарушено варење
кај тешки стомачни заболувања
за проблеми со хемороиди
како помош против болести на црниот дроб и жолчката
кај кашлица и бронхијални проблеми
за проблеми со висок крвен притисок

Хранлива вредност на јапонските јаболка
Плодот на persimmon ќе ги задоволи дневните потреби на вашето тело за неколку супстанции. Така, содржи многу вода, јаглени хидрати, протеини и масти. Ова се вредностите:

вода 78,6 г
протеини 0,7 г
масти 0,4 г
јаглехидрати 19,6 г
калциум 6 мг
фосфор 26 мг
железо 0,3 мг
калиум 6 мг
натриум 174 мг
магнезиум 8 мг
каротин 2. 710 I.U
тиамин 0,03 мг
рибофлавин и аскорбинска киселина, танин

Како да го користите јапонското јаболко?
За да ги искористите сите лековити својства на ова јаболко, постојат неколку совети. За лекување на цревни паразити, запирање на крварење, лекување кашлица или треска, треба да излупите јапонско јаболко и да го оставите на сонце и преку ноќ. Однадвор ќе добие бела боја и такво е најдобро за употреба.

Овошјето во зрела состојба ги има сите наведени лековити својства, а свежото овошје кога е потполно зрело е добро лековито средство за лекување на хемороиди и разни нарушувања на празнењето на дебелото црево како лаксатив. Овошјето може да се готви и да се користи како антидуиретик, но и да се суши и да се користи како прашок. Јапонското јаболко во прав можете да го измешате со мед или да го ставите во чај. Свежиот сок од каки е одличен за лекување на висок крвен притисок.

Еден од производите направени од јапонски јаболка е ракијата со особено силен ароматичен вкус.

И семето на овие јаболка може да се сушат, да се мелат во прав и да се користат наместо кафе. Освен тоа, сувата кора од јапонско јаболко може да се користи како природен засладувач.

Смути со јапонско јаболко
Од јапонско јаболко можете да направите и смути, а ова е нашиот рецепт за смути од јапонски јаболка и кокосово брашно.

Потребни состојки:
1 зрело јапонско јаболко
100 мл овесно млеко
1/2 банана
1 лажица кокосово брашно
1 лажичка мед
малку ѓумбир во прав
малку цимет
малку морско оревче
2-3 коцки мраз
Приготвување: Сите состојки се ставаат во блендер и се мешаат додека не се добие еднолична смеса. Ако вашето смути е премногу густо, додадете уште малку млеко додека не ја добиете саканата конзистентност.