Јаболков оцет за изгореници од сонце

Фото: Unsplash
163

Овој повеќенаменски производ, кој го користиме речиси секој ден при готвење, но и за чистење, може да се користи и како природен лек за изгореници од сонце.

Изгорениците од сонце се честа појава особено на овие температури. Особено ако не се придржувате до препораките да не се излегува на сонце во најжешкиот период од денот и ако не употребувате крем за сончање. На повеќето од нас ни се случило да изгориме барем еднаш во животот и знаеме колку може тоа да биде болно и непријатно. Затоа не е лошо да знаете за уште еден лек кој се крие во кујната. Станува збор за јаболковиот оцет кој речиси веднаш ги смирува изгорениците од сонце.

Овој повеќенаменски производ, кој го користиме речиси секој ден при готвење, но и за чистење, може да се користи и како природен лек за изгореници од сонце.

Јаболковиот оцет веднаш ги смирува изгорениците од сонце

Јаболковиот оцет е природно антиинфламаторно средство кое ја затегнува кожата за да ја заштити. Кога се нанесува на изгореници од сонце, делува благотворно на кожата и моментално ја ублажува болката. Витамините и минералите од јаболковиот оцет помагаат во збогатување на кожата со хранливи материи, а со тоа го забрзуваат нејзиното закрепнување од изгореници. Оцетната киселина ги ублажува чешањето и воспалението предизвикани од изгорениците од сонце. Исто така, ако навреме го искористиме јаболковиот оцет, изгорениците од сонце ќе предизвикаат помало лупење на кожата потоа.

Јаболковиот оцет ја извлекува топлината од изгорената кожа. Исто така, со нанесување на јаболков оцет на кожата отстрануваме многу штетни бактерии од површината на кожата. На овој начин ѝ овозможуваме да ја врати pH рамнотежата која е нарушена од сушењето на кожата поради изгорениците.

Како да нанесете јаболков оцет на изгореници од сонце
Јаболковиот оцет мора да се разреди пред да го нанесете на изгорениците. Неразреден јаболков оцет може да предизвика дополнителни изгореници на кожата и да предизвика дополнителна непријатност. Затоа, ви предлагаме два едноставни и целосно ефикасни начини за примена.

Бања со јаболков оцет за изгореници од сонце
Како да направите бања со јаболков оцет која ќе ги ублажи изгорениците од сонце.

Наполнете ја кадата со малку поладна вода од обично, а потоа додадете во неа околу половина литар јаболков оцет. Сега добро измешајте, влезете и киснете се 15 до 30 минути. Овој третман може да се користи и за изгореници кај деца, само што треба да трае помеѓу 7 и 15 минути.

Облог од јаболков оцет за изгореници од сонце
Иако бањата е подобра опција бидејќи го натопуваме целото тело, облогот може да функционира исто толку добро. Измешајте еден литар ладна вода со мала шолја јаболков оцет (околу 50 мл). Можете да додадете неколку коцки мраз за смесата да стане ладна.

Потоа, во смесата натопете памучна крпа и со неа покријте ги изгорениците на телото. Оставете ја крпата да делува околу 15 минути и повторете ја постапката. По двата третмани, исплакнете ја кожата со ладна вода. На овој начин третманот ќе биде завршен, а ќе ви биде многу полесно.