Јадете грст капини секој ден, па проверете го холестеролот
Една шака капини дневно му обезбедува на телото дури осум грама диетални влакна, што е многу важно за намалување на маснотиите во крвта
Кога би постоела топ-листа на најздрави намирници, капините сигурно би биле во првите 10.
Ова овошје е богато со моќни антиоксиданти, особено елагитанин, кој го нема речиси во ниедна друга храна, а се покажал како многу ефикасен во борбата против ракот.
Капините имаат и силно антибактериско дејство
Една шака капини дневно многу позитивно влијае на зачувување на здравјето на срцето и крвните садови.
Оваа количина капини обезбедува дури осум грама диетални влакна, што е многу важно за намалување на маснотиите во крвта.
Благодарение на високата содржина на диетални влакна, капините значително придонесуваат за намалување на ризикот од дијабетес, болести на органите за варење, како што е дивертикулозата и се вреден сојузник во секоја диета.
Капините се заслужни и за силните антиинфламаторни и антибактериски ефекти.
Нивниот нутритивен потенцијал е важен и за одржување на добар вид, го намалува ризикот од дегенерација на очите и го спречува развојот на катаракта. Исто така, делува како филтер за сончева светлина, апсорбирајќи ги опасните УВ зраци.
Ако страдате од анемија, пијте вино од капини
Капините може да се користат за правење сокови, слатки, џемови, вино и други производи, а истражувањата покажале дека готвењето не ја уништува нивната хранлива вредност.
Сокот од свежи капини го стимулира правилното функционирање на клетките на црниот дроб и го штити, а во исто време благотворно делува на жолчното кесе и ги чисти жолчните канали.
Напитокот од капини делува благотворно кај оние кои страдаат од анемија поради недостаток на железо, но најпрепорачливо за лекување на анемија е виното од капини.
Овој лек е исклучително богат со витамини и минерали, а резултатот од неговото дејство се постигнува по еден месец од консумирањето.
Се препорачува да се пие по еден децилитар вино од капини на ден, половина час пред јадење.
Во домот секогаш треба да имате лист од капини за чај
Листот од капина е природен лек против дијареа и дехидрација на организмот.
Исто така, се смета за ефикасен во борбата против осип на кожата и лишаи и придонесува за целокупното закрепнување на телото по инфекција.
Една лажица листови од капини прелијте со шолја врела вода, покријте го садот и оставете да отстои 15 минути.
Процедете го чајот и пијте по две до три шолји дневно.