Правилниот избор и комбинација на одредени намирници кои можеме да ги конзумираме наместо леб не е корисен само за луѓето со целијачна болест, туку и за луѓето со лошо варење и високо ниво на холестерол.
Протеините, витамините и минералите се неопходни за организмот адекватно да извршува бројни функции.
Мозокот, дигестивниот и мускулниот систем и имунитетот „го бараат“ тоа што им треба, а лебот и белото брашно како редовен дел од менито на многумина им прават големи проблеми.
За среќа, постојат поздрави алтернативи кои ќе ни дадат уште повеќе.
Јајца и јаткасти плодови: Протеинот како „гориво“ за срцето, но без премногу холестерол
Неколку студии испитуваа дали јајцата влијаат на факторите на ризик за срцеви и кардиоваскуларни болести, првенствено поради нивото на холестерол, кое е поврзано со нив.
Така, заклучено е дека консумирањето на едно до две јајца дневно не влијае на нивото на холестерол, како и на факторите на ризик за горенаведените болести.
Всушност, конзумирањето до две јајца на ден има позитивен ефект врз маркерите за срцеви заболувања кај луѓето кои имаат отпорност на инсулин или дијабетес тип 2.
Поради високата содржина на антиоксиданти, оревите се препорачуваат и како храна за поздраво срце.
Оревите се шампиони меѓу другите јаткасти плодови во нивната висока содржина на полинезаситени АЛА масни киселини, како и линолеинска киселина.
Повеќето јаткасти плодови се богати со мононезаситени масни киселини.
Ако оревите ги консумираме умерено и секојдневно, може да придонесеме за намалување на крвниот притисок и нивото на вкупниот холестерол, триглицеридите, липопротеинот со мала густина (ЛДЛ) и аполипопротеинот Б во крвта.
Студиите исто така ги истакнуваат здравствените придобивки од оревите за здравјето на цревата, когнитивните способности, доброто расположение, стабилното ниво на шеќер во крвта, и понизок холестерол.
Протеините во оревите и ленот се високо искористливи.
Покрај високоискористливите протеини, оревите се богати со антиоксиданти и антиинфламаторни соединенија кои можат да го забават стареењето и дегенеративните промени во клетките.
Покрај протеините во изворен облик (треба да се избегнува суплементација), кои заедно со некои други намирници, ги нудат јајцата и јаткастите плодови, лененото семе е добар избор доколку сакате оброк богат со енергија.
Две лажици ленено семе содржат 6 грама влакна и околу 5 грама растителни протеини.
Богато е со магнезиум, манган, фосфор, бакар и тиамин. Магнезиумот влијае на расположението и квалитетот на спиењето, додека манганот учествува во производството на колаген и влијае на здравјето на кожата и коските, како и фосфорот.
Бакарот е неопходен за производство на енергија и колаген, како и за формирање на црвени крвни зрнца. Тиаминот влијае на енергијата и нервниот систем и го спречува предвременото стареење.
Холестерол и добри масти во јаткастите плодови и целите зрна
Лененото семе е ризница на полифеноли, многу важни антиоксиданти.
Истражувањата потврдија дека тие штитат од срцеви заболувања и оксидативен стрес, со антиканцероген потенцијал.
Постојат индикации дека влијае на предвременото стареење и спречува невродегенеративни болести како што се Алцхајмерова и Паркинсонова болест.
Добрите масти во лененото семе го намалуваат високиот крвен притисок, го спречуваат создавањето наслаги во артериите, го намалуваат нивото на „лошиот“ ЛДЛ холестерол и спречуваат мозочен удар.
Во едно истражување, луѓето со висок холестерол земале три лажици мелено ленено семе секој ден во текот на три месеци. Се покажало дека нивото на „лошиот“ холестерол им е намалено за речиси 20 проценти.
Како да направите здрави протеински погачици без брашно или квасец: Протеини за здрава и вкусна замена за леб
Состојки:
2 јајца,
2 лажици мелен лен
100гр мелени ореви,
100гр мелени бадеми
2 лажици кисела павлака или 100 гр урда
малку сол
1 лажица јаболков оцет
малку прашок за пецив.
Подготовка:
Јајцата се матат пенесто, па се додаваат останатите состојки. Од смесата земајте со лажица и ставајте врз хартија за печење.
По желба посипете со сусам. Печете на 180С околу 25 минути. Од оваа смеса може да се направат 7 погачици, но не јадете повеќе од две дневно.