Како да изберете и да подготвите брокула? Со овие совети, уште повеќе ќе го засакате овој сензационален зеленчук

Фото: Pexels
389

Кога купувате брокула, барајте цврсти, темнозелени главици со затворени цветови. Како што старее брокулата, цветовите ќе почнат да добиваат жолти и кафени дамки и ќе станат помеки. Чувајте ја во фрижидер и изедете ја во рок од една недела.

Термички обработената брокула треба да остане ал денте, бидејќи така во неа ќе се задржат најмногу хранливи материи, но сепак треба да биде доволно мека за да можете да го пресечете стеблото со тап нож.

Брокулата е хранлив и здрав зеленчук популарен во многу светски кујни. Припаѓа на семејството на зелка (Brassicaceae), и е познат по својата темнозелена главица која се состои од мали, цврсто збиени цветови.

Брокулата е високо ценета поради нејзиното хранливо богатство. Извор е на витамините Ц, К и А, како и разни минерали и антиоксиданти. Потекнува од Медитеранот, а ја одгледувале и старите Римјани. Денес е распространета низ целиот свет, се користи во широк спектар на јадења и се подготвува на најразлични начини. Добро оди со сирење, лук, лимон и разни зачини.

Како да изберете брокула?
Кога купувате брокула, барајте цврсти, темнозелени главици со затворени цветови. Како што старее брокулата, цветовите ќе почнат да добиваат жолти и кафени дамки и ќе станат помеки. Чувајте ја во фрижидер, во пластична кеса и изедете ја во рок од една недела.

Како да се подготви брокула?
Измијте ја брокулата под ладна вода и исцедете ја во цедалка или избришете ја со чиста кујнска крпа. Извлечете ги листовите и отсечете го крајот на стеблото ако е сув. Одделете ги цветчињата од стеблото со нож и исечете го стеблото на тенки стапчиња.

Термичка обработка на брокулата
Брокулата може да се вари, односно да се бланшира, да се вари на пареа, да се пече, пржи… Може да се консумира и сирова, на пример цветовите може да ги додадете во смути, а стеблото да го исечете на тенки стапчиња и да послужите со сос.

Готвената брокула треба да остане ал денте, бидејќи така ќе задржи најмногу хранливи материи, но сепак треба да биде доволно мека за да можете да го пресечете стеблото со тап нож. Преварената брокула, освен што губи минерали и витамини, може да развие и горчлив вкус.

Готвење брокула во вода

Брокулата ставете ја во зовриена, малку посолена вода и варете ја 2-4 минути ако цветчињата се мали, 4-5 минути ако се со средна големина и 6-8 минути ако цветчињата се големи.

Брокула на пареа

Кога водата во долното тенџере ќе зоврие, ставете ја брокулата во тенџере со дупки над неа, поклопете и оставете да се вари 5-6 минути. Погрижете се водата да не го допира садот со брокулата.

Печење брокула во рерна

Печете ја брокулата на 220 степени или 200 со вклучен вентилатор 25 до 30 минути. Распоредете ја во еден слој во плех и зачинете ја по желба.

Готвење брокула во микробранова печка

Ставете ги цветчињата брокула во сад за микробранова печка, додадете 4 лажици вода, покријте и варете 3-4 минути на највисока температура. Ако брокулата е премногу тврда, варете ја уште 30 секунди и повторете онолку пати колку што е потребно.

Пржење брокула во фритеза на топол воздух

Пропржете ја брокулата 8-10 минути во тава загреана на 190 степени. На половина од времето за печење, превртете ги цветчињата брокула.

Пржење брокула во вок

Загрејте две лажици масло и пржете ги цветчињата брокула 3-4 минути со постојано мешање.

Пржење брокула во тава

Загрејте ја тавата на средна топлина. Брокулата исечкајте ја на цветчиња, прелијте ги со малку масло и пропржете ги 3-4 минути од секоја страна.