Во 1770 година, австриската надвојвотка Марија Антоанета се омажила за францускиот крал Луј XVI. Кога 14-годишната девојка пристигнала на дворот на францускиот крал, си донела и човек задолжен за производство на чоколадо, кој ја добил титулата „Производител на чоколади на Кралицата“.
Да се каже дека сите сакаат чоколадо е очигледно претерување, но чоколадото е нешто во кое многу луѓе уживаат на различни начини. Топли чоколадни пијалаци, чоколатца, парчиња чоколао, овошје прекриено со чоколадо, чоколаден сос… Но, како воопшто започнале работите? Што е особено интересно за чоколадото? Одговорите на овие прашања пронајдете ги подолу…
Најголемиот дел од какаото во светот доаѓа од Африка
И покрај неговото потекло од Америка, денес какаото главно се одгледува во Африка. Климата ја направи Африка идеална за одгледување какао, а робосопственичкиот систем го олесни развојот на плантажите со какао.
Од нивното почетно населување на островот Свети Тома и Принцип до локации во современите земји како што се Брегот на Слоновата Коска и Гана, производството на какао го преживеа колонијализмот и остана важен дел од западноафриканската економија. Што се однесува до меѓународниот пазар, 70 отсто од глобалното производство на зрна какао денес доаѓа од Западна Африка.
Луѓето одгледуваат какао илјадници години
Археолошките докази во Централна Америка сугерираат дека Централноамериканците консумирале какао пред околу 4.000 години. Остатоци од зрна какао датираат од 1800 година п.н.е.
Меѓутоа, во однос на одгледувањето какао, најраните докази за припитомување се појавуваат пред околу 3600 години. Разликата помеѓу бербата и конзумирањето наспроти припитомувањето е во специфичното размножување на растенијата за да се оптимизира растот. Доминантно дрво какао во Јужна и Централна Америка е Криоло.
До 19 век, чоколадото главно се конзумирало како напиток
Уште во 1500 година п.н.е., постојат докази кои сугерираат дека зрната какао се користеле за подготовка на пијалак кој го пиеле Олмеците во Средна Америка. Маите одгледувале какао и го консумирале во течен или кашест облик.
Чоколадото се користело во церемонијални активности и во него уживале поединци од различни општествени класи. Кога Европејците пристигнале во Централна Америка, нашле широко распространето консумирање на чоколадо меѓу Ацтеките, но како пијалак. Го пиеле ладно или топло и додавале билки и други вкусови.
Цврстото чоколадо станало вообичаено во 1820-тите откако хемичарот Коенрад ван Хутен развил какао во прав од дрвото какао и му додал алкални соли за да ја намали горчината. Во Англија, Џозеф Фрај го создал чоколадото во 1847 година откако измешал какао во прав, какао путер и шеќер, а тоа време го земаме како период на настанување на чоколадото за јадење.
Кралицата „луда“ по чоколадо
Во 1770 година, австриската надвојвотка Марија Антоанета се омажила за францускиот крал Луј XVI. Кога 14-годишната девојка пристигнала на дворот на францускиот крал, си донела и човек задолжен за производство на чоколадо, кој ја добил титулата „Производител на чоколади на Кралицата“.
Мешајќи чоколадо со цветови од портокал, мелени луковици од орхидеи или бадемово млеко, производителот на чоколади на кралицата не само што ја „заситил“ својата штитеничка, туку се обидел да излечи и разни болести. Кралот Луј XVI исто така бил љубител на чоколадо и имал свој производител.
Колумбо е „виновникот“ за чоколадото во Европа
Според некои извори, Кристофер Колумбо бил првиот Европеец кој се сретнал со зрната какао. Откако во 1502 година наишол на трговски брод што превезувал какао, наводно го однел она што се верувало дека е „бадем“ назад во Шпанија.
Втората приказна датира од малку подоцнежен период. Откако ацтечкиот владетел Монтезума II го послужил со чоколаден напиток, според легендата, Хернан Кортес го испратил какаото назад во Шпанија. Меѓутоа, друга верзија на приказната е дека во 1544 година, доминиканските монаси му дале на принцот Филип од Шпанија зрна какао, по што ги претвориле во чоколаден напиток. Веројатно никогаш нема да дознаеме што е вистина во сето ова, но кому му е важно, важно е дека имаме чоколадо…