Како се прават домашни тортилји: Можете да ги полните со состојки по желба или да ги јадете наместо леб (ВИДЕО)

Фото: Принтскрин/Јутјуб
573

Научете како сами да направите домашни тортиљи и ќе заборавите на оние купени во продавница.

Тортилјите се незаменливи во речиси секое мексиканско јадење и нивната кујна е препознатлива токму по овие лепињи. Се прави од неколку евтини состојки, а за печење се потребни само неколку минути.

Во нив можете да ставите разновидна храна, од месо, зеленчук, сирење или сос…, но можете да ги јадете и наместо леб. Се што треба да направите е да ги измешате состојките и да го замесите тестото, а потоа да ги обликувате тортилјите. Уште еден дополнителен плус е што можете да уживате во овие прекрасни лепчиња дури и за време на постот.

Состојки:

350 г брашно
1 лажичка сол
1,5 лажички прашок за пециво
3 лажици масло
190 мл топла вода

Приготвување:
Во еден сад измешајте брашно, сол, прашок за пециво и масло. Соединете, па додадете топла вода. Замесете мазно тесто. Покријте и оставете да отстои 10 минути.

Потоа поделете го на 16 еднакви делови (по 35 г) и обликувајте топчиња. Потоа расукајте ги во тенок круг и пржете ги на малку масло од двете страни. Наредете ги една врз друга и чувајте ги во чиста крпа.