Кога од обични намирници ќе направите највкусен оброк
Од млада домаќинка со уметничко педигре е очекувано, но сепак вредно за споделување. Како од една обична паста да направите брз и фантастичен оброк. И на изглед и на вкус
Скопјанката Јана Русевска имавме можност да ја запознаеме и преку нејзините уметнички дела, ама и преку едноставните, брзи и секогаш уникатно сервирани јадења.
Ќе речете, ех, тестенини, големо чудо. Ама кога ќе ви ги сервираат вака, имате и помалку грижа на совест зашто јадете тесто на овие горештини, а имате и навистина поздрав оброк.
Освен тоа, сѐ е тоа готово многу брзо, а наместо сос, снаодливата млада домаќинка, само добро ја зачинила киселата павлака, во која додала само една лажичка мајонез, копар и кари.
Другото е очигледно: брокула, рукола, босилек и моцарела.
Ем сите сити, ем подмирени со сѐ што треба покрај јаглените хидрати од тестенините.
А да, како прилог можете и салата од млада боранија со магдонос, лук, маслиново масло и балсамико.