Откако ја пробавме ракијата со лаванда на мајсторката Јуле Динова, инаку, женско издание на брендот В’К, знаеме дека оваа ароматична билка може само да го облагороди секој пијалак или пак храна
Сите ја знаеме и цениме лавандата по нејзината виолетова боја и непогрешливиот мирис кој има моќ да го ублажи стресот, главоболката и да ни помогне да се опуштиме потикнувајќи добар сон. Но, дали знаевте дека ова растение може да се користи и во кујната?
Откако ја пробавме ракијата со лаванда на мајсторката Јуле Динова, инаку, женско издание на брендот В’К, знаеме дека оваа ароматична билка може само да го облагороди секој пијалак или пак храна. Имено, лавандата може да се користи за подготовка и на слатки и на солени јадења.
Сепак, треба да се направи важна разлика бидејќи лавандата што се користи во козметиката и парфемите не е истата лаванда што може да се користи за готвење. Всушност, тие се две различни сорти на исто растение: француската лаванда (Lavandula officinalis) има поголема содржина на есенцијално масло и се користи во козметичката индустрија, за производство на сапуни и природни лекови, додека англиската лаванда (Lavandula angustifolia) или „вистинската“ лаванда може да се користи во готвењето бидејќи има понежен вкус и мирис.
Готвење со лаванда
Можете да купите исушени цветови од англиска лаванда онлајн или во продавници за органски производи и да ги користите за збогатување на кекси и колачи, но внимавајте на количината.
Само половина лажичка сечкано цвеќе е доволна за да му даде на производот интензивен мирис на лаванда.
Алтернативно, можете да додадете мелени цветови од лаванда во млекото што ќе го користите за подготовка на креми, пудинзи или сладолед.
Резултатот ќе биде многу миризлив десерт со интензивен вкус. Ако не сакате да ги мелете цвеќињата, можете да ги додадете цели во сад за мед или шеќер: на овој начин тие ќе ги ослободат есенцијалните масла и ќе им дадат многу добар мирис на нашите засладувачи.
Но, лавандата не е исклучиво привилегија на слатките работи!
Можете да го додадете и во солени јадења богати со маснотии и со силен вкус, што одлично ќе одговара со подеднакво интензивен вкус на билката.
Јадења од риба (туна и лосос) или месо, но и јадења богати со путер во кои ќе ги пропржите цветовите од лаванда.
Конечно и кремастото рижото можете да го зачините со лаванда, а идеалната комбинација во овој случај е таа со лимон.
Внимавајте да не користите лаванда при печење леб или тесто за пица и фокача: растението е антимикробно и ова својство би го спречило тестото да нарасне правилно.