Љубоморно чувана тајна на кинеските цареви: Црниот ориз е познат како лек за проблеми со бубрезите, црниот дроб и дигестивниот систем

На азиските менија е присутен илјадници години, а за време на владеењето на кинеските цареви бил познат како „забранет ориз“.

Имено, тој се одгледувал во мали количини бидејќи бил наменет само за царот и царското семејство и за други истакнати семејства, додека широките народни маси не смееле да го одгледуваат ниту да го консумираат.

Иако денес веќе го нема статусот на „забранета“ храна, сепак неговото производство е помало од производството на кафеав или бел ориз.

Црн ориз – од сите видови ориз, најбогат со хранливи материи

Половина чаша варен црн ориз содржи околу 160 калории и многу фитонутриенти, а исто така е добар извор на влакна, железо, бакар и протеини.

Во споредба со другите видови ориз, црниот ориз е далеку најбогат со антиоксиданти (6 пати повеќе од другите видови ориз) и содржи повеќе од двојна количина влакна.

Во исто време, тој е значително побогат со протеини.

Половина чаша варен или ¼ чаша неварен ориз содржи:

1,5 г маснотии
34 г јаглени хидрати
2 г влакна
5 г протеини
4% од дневната потреба за железо

Црниот ориз е меѓу намирниците без глутен, па затоа е идеален за луѓе со целијачна болест.

Се претпоставува дека секој седми човек во светот е чувствителен на глутен.

Јадењето црн ориз наместо преработени житарки ќе им помогне на овие луѓе да ги отстранат дигестивните проблеми предизвикани од производите со глутен.

Врвен заштитник на вашето здравје

Спречува срцев удар и штити од рак

Овој ориз го должи својот темен пигмент на антоцијаните.

Станува збор за моќни антиоксиданти растворливи во вода кои го спречуваат создавањето на наслаги во артериите, а со тоа и спречуваат срцев удар.

Овие антиоксиданти го контролираат нивото на холестерол подобро од која било друга прехранбена состојка, а во исто време штитат од слободните радикали и ги намалуваат воспалителните процеси во телото.

Научна студија спроведена во Америка во 2010 година докажала дека црниот ориз содржи повеќе антиоксиданти од боровинките.

Го штити здравјето на очите

Витаминот Е, еден од антиоксидантите што ги содржи овој ориз, ги штити клетките на вашите очи од ефектите на слободните радикали и спречува појава на очни болести како што е катаракта.

Исто така, го зајакнува и имунолошкиот систем.

Го забавува стареењето на мозокот

Благодарение на неговите моќни антиоксиданти, црниот ориз ги подобрува функциите на мозокот.

Истражувањето на глувци покажало дека црниот ориз значително го забавува стареењето на мозокот.

Одредени групи на антиоксиданти, првенствено антоцијани, ги подобруваат процесите на учење и меморија.

Ја стимулира детоксикацијата на организмот и го регулира варењето

Конзумирањето на црн ориз помага да се исчисти организмот од штетните отпадни материи и го спречува создавањето на замастен црн дроб.

Со оглед на тоа што содржи корисни влакна, црниот ориз спречува запек, надуеност и други дигестивни проблеми.

Влакната од овој ориз се врзуваат за отпадните материи, што го олеснува нивното исфрлање од телото.

Благодарение на ова, овој ориз е идеален избор за сите оние кои сакаат да ослабат.

Заштитува од дијабетес

Црниот ориз содржи влакна кои ја забавуваат апсорпцијата на гликоза.

Гликозата на тој начин се апсорбира во телото во подолг временски период и на тој начин го спречува наглото зголемување на шеќерот во крвта.

Од друга страна, белиот ориз придонесува за отпорност на организмот на инсулин, што го зголемува ризикот од дијабетес.

Затоа, црн ориз се препорачува за оние кои имаат почетна фаза на дијабетес, како и за дебели луѓе.

Со негово консумирање, мозокот брзо прима сигнали за ситост и затоа нема ризик од прејадување.

Придонесува за здравјето и убавината на кожата

Црниот ориз спречува оштетување на кожата предизвикано од надворешни фактори како студ, сонце и ветер.

Ги намалува знаците на стареење како што се брчките и ја спречува појавата на темни дамки на кожата.

Ја враќа еластичноста на кожата и ја зачувува нејзината цврстина.

Црн ориз во кулинарството

Како и другите видови ориз, црниот ориз лесно се подготвува како прилог.

Мора да се измие пред да се готви.

Се готви еден час во сооднос 1:2 (2 чаши вода по шолја ориз).

Се препорачува оризот да се кисне преку ноќ или да се кисне еден час за полесно да се апсорбираат неговите хранливи материи.

Ако сте го натопиле, ќе го скратите времето за готвење на половина час.

Кога ќе се свари, овој ориз добива темно виолетова боја.

Надворешната обвивка, која содржи најмногу хранливи материи, е најтешка за готвење.

Благодарение на неговиот богат сладок и јаткаст вкус кој потсетува на кафеав ориз, оваа храна често се додава во десертите, како што е пудинг од ориз.

Денес во Азија се користи и како декорација за храна и за суши и тестенини.
Можете да го јадете сам со додавање на црн пипер и сол.

Подгответе го со зеленчук во вок, додадете го во супи или ставете го на салата.
Додадете го во веге плескавица, во бурито наместо бел ориз или послужете го со свежо печен зеленчук.
Смелете ги сувите зрна ориз во мелница за кафе и употребете го како додаток на оброк богат со антиоксиданти.
Мелениот црн ориз или неговиот екстракт може да се користи како природна боја за храна и пијалаци.