Предноста на природните „воини“ против инсекти е едноставната подготовка и пријатниот мирис, како и помалата шанса за иритација што може да биде предизвикана од хемикалиите
Природните репеленти направени од билки, зачини или есенцијални масла можат да бидат исклучително ефикасни во заштитата од инсекти (комарци, бубачки, мравки итн.).
За разлика од индустриските производи, тие генерално не предизвикуваат иритација и алергиски реакции, но пред секоја употреба е важно да проверите дали сте алергични на некоја од состојките.
Лимон и еукалиптус – класична добитна комбинација што комарците не можат да ја поднесат
Комбинацијата од есенцијално масло од еукалиптус и сок од лимон дава силен мирис што комарците не можат да го поднесат. Додадете малку јаболков оцет, 20 капки сок од лимон и 30–40 капки масло од еукалиптус во половина чаша вода. Протресете пред употреба. Не ја користете оваа смеса за деца или домашни миленици.
Комарците исто така „не го сакаат“ ниту маслото од лаванда
Лавандата е нежна за кожата, но остра кон инсектите. Можете да измешате неколку капки масло од лаванда со масло од цитрус или кедар за посилен ефект.
Нане и рицинусово масло
Нането им мириса убаво на луѓето, но не и на инсектите. Рицинусовото масло го засилува ефектот. Измешајте и нанесете во мали количини, но не пред изложување на сонце.
Лук и лимон
Потопете згмечено чешне лук во етерично масло, оставете го да отстои 24 часа, а потоа измешајте со вода и неколку лажички сок од лимон. Не изложувајте се на силна сончева светлина по употребата и избегнувајте го овој природен лек ако не можете да го поднесете мирисот на лук, иако ќе биде слаб. Можете да ја користите оваа смеса и како испарувач.
Балсам од пчелин восок
За оние кои не сакаат спрејови: растопете го пчелиниот восок, додадете какао путер и кокосово масло, а кога смесата ќе почне да се лади, додадете ги етеричните масла по ваш избор.
Цитрус и хамамелис (Witch Hazel)
Инсектите бегаат од цитрусите, а хамамелисот или малку алкохол (на пр. вотка) може да го засили ефектот. Измешајте вода со неколку десетици капки масло од цитрус и до 10 капки алкохол или хамамелис. Истурете во шише со распрскувач и испрскајте на облеката или на кожа (внимавајте да не дојде во контакт со очите).
Каранфилче
Маслото од каранфилче или неколку цели чешниња натопени во алкохол може да се користат како спреј. Обавезно разредете со вода и не нанесувајте директно на кожата во големи количини.
Билен чај како распрснувач
Ако не сакате да користите есенцијални масла, можете да користите свежи билки: нане, рузмарин или босилек. Сварете половина шолја билки, оставете да се изладат, процедете и користете како спреј.
Природни свеќи
Истурете го восокот во чаша, ставете фитил и кога ќе почне да се лади, додадете неколку капки масло од еукалиптус, цитрус или лаванда. Тие се идеални за градини и тераси.
Уште неколку природни решенија
Листовите од домати содржат алкалоиди што инсектите не ги сакаат; тријте ги листовите на рацете или оставете ги околу местото кадешто престојувате.
Босилекот во саксија ги држи комарците подалеку, а изгледа и мириса убаво.
Чад од жалфија или рузмарин: фрлете гранчиња во оган или скара; чадот ги одбива инсектите.
Краставица: Свежо излупената кора од краставица поставена на прозорец или градинарска маса може да ги одбие мравките и некои видови инсекти.