Прекумерното внесување на кофеин може да доведе до состојба позната како кофеинска интоксикација или предозирање со кофеин. Оваа состојба може да предизвика низа симптоми, вклучувајќи забрзан пулс, нервоза, главоболки, мачнини и повраќање
Утринското кафе за многумина е неизбежен ритуал. Националната асоцијација за кафе известува дека просечен човек во САД пие малку повеќе од три шолји кафе на ден, а за некои тоа е повеќе од обичен ритуал – тоа е неопходно гориво за почеток на денот. Сепак, кофеинот не е резервиран само за кафе; многумина го консумираат преку енергетски пијалаци или таблети за да ја задржат енергијата и будноста во текот на денот.
Некои можат повеќе, некои помалку
И покрај неговата популарност, важно е да се запамети дека секој има различна толеранција кон кофеинот. Додека некои луѓе можат да консумираат поголеми количини без никакви проблеми, други може да се чувствуваат нервозно или да имаат забрзан пулс дури и по само една шолја. Дополнително, постои ограничување за тоа колку кофеин телото може да поднесе без да прејде во опасно подрачје.
Кофеинот има стимулирачки ефект врз телото, поттикнува будност и ја подобрува концентрацијата. Меѓутоа, претераната консумација може да резултира со негативни нус-појави. Прекумерното внесување на кофеин може да доведе до состојба позната како кофеинска интоксикација или предозирање со кофеин. Оваа состојба може да предизвика низа симптоми, вклучувајќи забрзан пулс, нервоза, главоболки, гадење и повраќање, пренесува Си-Ен-Ен.
Треба да бидете внимателни
Американската агенција за храна и лекови (ФДА) ја дефинира границата на безбедно консумирање кофеин за здрави возрасни како нешто повеќе од 400 милиграми дневно, што е приближно еднакво на четири или пет шолји кафе. Надминувањето на оваа граница може да резултира со посериозни несакани ефекти, вклучувајќи отежнато дишење, абнормални отчукувања на срцето, повраќање и дијареа.
Важно е да се обрне внимание на знаците на предозирање со кофеин, вклучувајќи забрзан пулс, вртоглавица, вознемиреност и мачнина. Ако се сомневате дека сте ја надминале толеранцијата на кофеин или ако имате сериозни несакани ефекти, важно е да побарате лекарска помош.
Во екстремни случаи, предозирањето со кофеин може да биде опасно по живот и бара итна интервенција. Лекарите може да користат различни терапии, вклучувајќи хемодијализа и лекови за стабилизирање на срцевиот ритам. Исто така, важно е да разговарате со вашиот лекар пред да земете какви било додатоци кои содржат кофеин, за да избегнете непотребни несакани ефекти и ризици.