Дури и најдобрите готвачи понекогаш се мачат со лупењето тврди варени јајца. Бидејќи ни претстои период кога ќе се јадат многу јајца, не е лошо да го научиме и ова
Досега сте научиле како да пржите јајца, да правите омлет, можеби дури и ги совладавте јајцата Бенедикт. Сепак, усовршувањето на тврдо варени јајца е вештина која никогаш не успевате да ја совладате. Освен тоа, готвењето е само половина од битката. Исто така, треба да научите како лесно да ги излупите, а со еве понекогаш се мачат дури и најдобрите готвачи. Еве како да го направите тоа:
Како да сварите тврдо варени јајца за лесно да се лупат?
За да се направат јајца кои полесно се лупат, готвачите препорачуваат воопшто да не се варат, пишува Reader’s Digest. Добро прочитавте! Наместо тоа, предлагаат да ги ставите во помал сад на пареа кој ќе го ставите над тенџерето кое ќе го наполните со вода до дното на садот за пареа и ставете го на шпорет на силен оган. Кога водата ќе почне да врие, поставете го тајмерот на 14 минути.
Кога ќе истече времето, извадете ги јајцата од садот и веднаш потопете ги во сад со ледена вода за да го запрете процесот на готвење. Значи, треба да добиете совршено тврдо „варени“ јајца.
Дали треба да додадете нешто во водата?
Иако интернетот е полн со трикови, како на пример додавање оцет или сода бикарбона во водата, тоа не е неопходно. Имено, тоа нема да влијае на полесно лупење на тврдо варените јајца.
Дали е важна староста на јајцата?
Многу! Иако можете да готвите јајца без разлика колку се стари, постарите јајца полесно се лупат. Ако им се ближи крајот на рокот на траење, можеби варењето е подобар избор од пржењето.
И без оглед на тоа како планирате да ги подготвите, секогаш внимавајте правилно да ракувате со нив. Тоа значи дека никогаш не ги миете, дека секогаш внимавате да се во фрижидер и да научите да препознавате дали сѐ уште се добри.
Како лесно да ги лупите тврдо варените јајца?
Потопување во мраз
Како што постојат правилни начини за кршење на јајцата, постојат и соодветни начини за лупење на јајцето. Без разлика дали сте ги зготвиле во тенџере или на пареа, постои едно правило кое секогаш треба да го почитувате за полесно да ги лупите. По готвењето, веднаш префрлете ги јајцата во сад со ледена вода и оставете ги да се изладат неколку минути.
На овој начин постигнувате две важни работи. Прво, го прекинувате процесот на варење. Топлите јајца ќе продолжат да се варат со преостаната топлина, па може да се преварат. За да ја одржите совршената конзистентност, треба драматично да ја намалите температурата на околината. Второ, потопувањето на врелите јајца во сад со ледена вода може да предизвика белките да се смалат и да се одвојат од лушпата, што ќе го олесни лупењето.
Кршењена јајцата
Како што рековме претходно, постои правилен начин за кршење јајца! Наместо нежно да го чукате, тркалајте го тврдо варено јајце напред-назад на тврда површина додека лушпата целосно не пукне. Лушпата треба да изгледа како мозаик уште пред да почнете да ја лупите.
Откако јајцето е целосно скршено, притиснете го поголемиот крај со палецот за да го пронајдете воздушниот џеб, а потоа пикнете го прстот низ него и почнете да ја лупите лушпата. Поаѓањето од воздушниот џеб помага да се одвои тенката кожа (позната и како мембрана) од површината на јајцето. За да ги олесните работите, лупете под вода. Имено, на овој начин водата ќе навлезе помеѓу јајцето и неговата лушпа, олабавувајќи го доволно за да можете лесно да го отстраните.
Протресете ги
Ако имате само неколку јајца за лупење, овој метод не само што е ефикасен, туку и забавен. Наполнете ја теглата со малку вода (100 ml), додадете ги јајцата, цврсто затворете ја и протресете. Како што пукаат лушпите од јајцата, водата во теглата ќе помогне да се одвојат, олабават и извадат. Откако поголемиот дел од кожата ќе падне, излупете го остатокот со рацете и брзо исплакнете под ладна вода за да ги отстраните сите ситни делови.
Како да ги излупите варените јајца кои никако не сакаат да се излупат?
Ако ви е тешко да ги излупите јајцата, обидете се да ги искршите до крај и нежно да ги тркалате меѓу дланките за да ја олабавите лушпата. Потоа користете го палецот за да ја пробиете лушпата во воздушниот џеб и потопете ги јајцата во сад со ладна вода неколку минути пред да се обидете повторно. Ако јајцата што сте ги свариле се свежи, можеби е невозможно совршено да ги излупите. За среќа, тие се вкусни без разлика како изгледаат!
Грешки што треба да се избегнат:
Не ги ладите доволно брзо – ако јајцата се уште жешки, белката повеќе ќе се залепи за лушпата и ќе го отежне лупењето. Најдобро е веднаш по готвењето да ги префрлите јајцата во сад со ледена вода за брзо да се изладат.
Ги лупите додека се уште топли – јајцето потешко ќе се лупи ако е уште топло, па затоа задолжително оставете го целосно да се излади.
Користите свежи јајца – како што јајцата стареат, воздушниот џеб се шири и го олеснува лупењето. Секако, по желба можете да сварите свежи јајца, но бидете подготвени за потежок процес на лупење.