Сигурно се сеќавате дека порано, кога семејствата седнуваа на ручек во 3, на масата задолжително стоеше длабок сад од кој се чадеше топла супа. Супата беше задолжително предјадење, а ако се случеше некој потоа да каже дека не е веќе гладен, обично велеа: „нема врска, важно ја изеде супата“!
Низ целиот свет, во различни цивилизации и култури, супата отсекогаш била високо ценета поради своите закрепнувачки „моќи“. Денес, покрај добро вкоренетото традиционално верување, постојат и научни потврди за здравствените придобивки од консумирањето супа.
Сигурно се сеќавате дека порано, кога семејствата седнуваа на ручек во 3, на масата задолжително се чадеше длабока чинија полна со супа. Чинија топла супа беше задолжително предјадење, а ако се случеше некој од нас потоа да каже дека не е веќе гладен, родителите обично велеа: „нема врска, важно ја изеде супата“!
Супата отсекогаш била синоним за храна која утешува, зајакнува, лекува и често не потсетува на домашната атмосфера и времето кое го поминуваме со семејството. Докажано е дека пилешката супа помага при настинки и затнат нос, супата од домати е народен лек за мамурлак, а од неодамна, на консумирањето на супа му се припишуваат и некои нови прехранбени адути. На пример, дека супата може да биде одличен сојузник во губењето на вишокот килограми и одржувањето на витката линија.
Истражувања за значењето на супите
Истражувањата покажале дека супата како предјадење може да го намали вкупниот внес на калории со главниот оброк.
Исто така, експертите од Британската фондација за исхрана објавија дека конзумирањето храна со висока содржина на вода може да биде клучно за намалување на телесната тежина. Познато е дека започнувањето на оброкот со супа ја зголемува ситоста и го намалува внесот на енергија. Но, дали тоа важи за која било супа? Студија објавена во списанието Appetite била спроведена со цел да се добие одговор токму на тоа прашање. Група од 60 мажи и жени 5 недели добивале бесплатен ручек кој започнувал со супа. Супите биле различни: бистри, со парчиња зеленчук или крем супа од зеленчук. Се покажало дека секоја супа го намалува внесот на енергија за 20% за време на следните оброци.
Освен поволното дејство на телесната маса, супата е докажан сојузник и во борбата против вирусите и настинките. Имено, се верува дека топлината помага во исфрлање на секретот од белите дробови и синусите, додека течноста спречува дехидрација.
За кралицата на супите
Освен што не потсетува на детството и што не хидрира, супата делува поволно и на цревата и помага при проблеми со варењето.
„Конзумирањето на супа богата со зеленчук секој ден може значително да го подобри здравјето на цревата“, пишува популарната веб-страница за исхрана „Eat this, not that“.
Покрај тоа што е богат со влакна, кои го продолжуваат чувството на ситост и го помагаат варењето, зеленчукот е богат и со витамини, минерали и други корисни соединенија.
Ако во подготовката на супата се користеле коски, тоа значи дека супата има и колаген, кој пак го подобрува изгледот на кожата, го затегнува лицето и го намалува целулитот.
Сите причини наведени погоре ја прават супата идеална за консумирање. Ова особено се однесува на пилешката супа која секогаш е прва на листата на храна која се препорачува за побрзо закрепнување од замор или од болест. Конзумирањето топла супа ги ублажува иритирачките симптоми на настинка и грип, што е секогаш добра работа кога сте болни. И во таа ситуација, кога човек е уморен и болен, ништо не му одговара повеќе од супа богата со разни хранливи материи. Пилешката супа му помага на здравјето на повисоко ниво, покажуваат истражувањата. Најдобар ефект се постигнува со пилешка супа подготвена со додавање на кромид, целер и моркови. Пилешкото обезбедува цистеин, амино киселина која помага да се исчисти слузта од белите дробови, морковите и целерот обезбедуваат бета каротен и витамин Ц кои го зајакнуваат имунитетот и му помагаат на телото да се бори против инфекциите, а кромидот му обезбедува на телото доволно антиоксиданти за борба против воспалението.