Нека поскапи сѐ, ама бурекот и јогуртот никако! Сопственичка на фаст-фуд во Хрватска е осудена заради поскапување на омилените производи

Фото: Pixabay
329

Откако во Хрватска куната му го отстапи местото на еврото, граѓаните се жалат дека повеќето цени се заокружуваат на повисоката, па генерално, сѐ е поскапо отколку претходно. Но, кога станува збор за бурек и јогурт, правдата е брза

Сопственичка на ресторан за брза храна од Славонски Брод е прогласена за виновна и е осудена заради покачување на цената на бурекот за 1,58 куни и на јогуртот за 1,27 куни. Пресудата е правосилна, пренесуваат медиумите во регионот.

Како што утврдила туристичката инспекторка, таа ги покачила цените по воведувањето на еврото, односно во периодот од 1 до 18 јануари годинава, пишува „Даница.хр“.

„Во деловните простории на ресторан за брза храна во Славонски Брод при давање на угостителски услуги користела нечесна, односно, агресивна деловна пракса забранета со одредбите од Законот за заштита на потрошувачите. Бурек со сирење продавала за 15 куни, односно за 1,99 евра на 31 декември, а од 1 до 18 јануари истата услуга ја давала за 16,58 куни, односно за 2,20 евра, па ја зголемила цената на услугата во износ од 1,58 куни или 0,21 евра што е зголемување за 10,53 отсто.

Потоа на 31 декември продавала бурек со месо за 15 куни или 1,99 евра, а од 1 до 18 јануари истата кетеринг услуга ја давала за 16,58 куни или 2,20 евра, па услугата ја зголемила за сума од 1,58 куни, што е пораст од 10,53 отсто.

Услугата продавање јогурт за 4 куни или 0,53 евра ја давала на 31 декември, а од 1 до 18 јануари истата услуга ја давала за 5,27 куни или 0,70 евра, па услугата ја зголемила за 1,27 куни, или 0,17 евра, што е зголемување за 31,75 отсто.

Затоа, таа неоправдано ги зголеми цените по 31 декември, каде што ги стави потрошувачите во понеповолна финансиска состојба користејќи го воведувањето на еврото како официјална валута и околностите во кои се наоѓаат потрошувачите, што значително влијаеше на одлуката на потрошувачот при купување“ заклучил судијата.

Казната е во вредност од вкупно 666 евра плус 13,28 евра прекршочни трошоци.