Некои повозрасни луѓе се сеќаваат како порано оделе во мелница со вреќа пченица и пченка за да направат брашно, а единственото нешто што требало да одлучат било дали го сакаат остро или мазно. Денес, понудата на брашно е толку голема што можеби ретко кој од овие повозрасни луѓе би можеле да се снајдат со разновидните понуди – од киноа, наут и грашок до брашно од кокос или банана.
Некои нови видови брашно, а некои повторно откриени, се поздрава замена за пченицата – тие маѓепсуваат со своите вкусови, а нивниот нутритивен профил помага да се спречат некои од најчестите хронични болести. Откако ќе пробате некое од овие брашна, вашата исхрана никогаш повеќе нема да биде иста.
Сè повеќе луѓе бараат алтернативи за традиционалното бело пченично брашно што го знаеле нашите баби. Некои повозрасни луѓе се сеќаваат како порано оделе во мелница со вреќа пченица и пченка за да направат брашно, а единственото нешто што требало да одлучат било дали го сакаат остро или мазно. Денес, понудата на брашно е толку голема што можеби ретко кој од овие повозрасни луѓе би можеле да се снајдат со разновидните понуди – од киноа, наут и грашок до брашно од кокос или банана.
Постојат две најчести причини зошто се свртуваме кон нови видови брашно – алергија или нетолеранција и потрага по поздрава храна. Научниците дури спровеле истражување за да ги откријат ефектите од брашното направено од сушени мешунки, на пример од наут или од хељда, односно истражувале дали конкретно лебот направен од мелен сушен наут ќе не одржува сити подолго време и ќе ја намали гликозата во крвта, со што се нуди поздрава алтернатива која го намалува ризикот од дебелина и дијабетес.
Познато е дека хељдата, наутот и грашокот се многу пожелни во нашата исхрана поради влакната и протеините и микроелементите на витамини и минерали корисни за одржување на здрава телесна тежина и намалување на ризикот од кардиоваскуларни заболувања.
Се разбира, пченичното брашно не е без здравствени придобивки. Пченицата е корисна храна во нашата исхрана и не треба да се избегнува, освен ако не страдате од целијачна болест, но поновите видови брашно имаат подобри нутритивни профили. На пример, наутот е мешункаст зеленчук и неговото брашно е побогато со протеини од брашното од житарки (пченица, ‘рж), влакна, витамини и минерали како што е железото.
Зголемена ситост
Истражувањето објавено во American Journal of Clinical Nutrition покажало дека брашното од суви мешунки може да ги подобри метаболичките ефекти. Имено, со зголемување на чувството на ситост помагаат во спречување на дебелината и други хронични болести.
„Во време кога поттикнуваме поголем внес на растителни влакна, чии здравствени придобивки се докажани со бројни студии, ова е уште една студија која ја нагласува важноста од минимална обработка, односно само физичко дробење на сувата храна, бидејќи обвивката на житото бавно го намалува варењето на скробот, го подобрува нивото на гликоза во крвта и го стимулира лачењето на хормонот на ситост“, вели биохемичарот Питер Елис од Кралскиот колеџ во Лондон, еден од истражувачите во оваа студија.
Откако направиле брашно од наут и печеле леб, истражувачите го тестирале на дваесет здрави луѓе. На испитаниците им биле послужени парчиња обичен бел леб и леб со триесет и со шеесет проценти наут. Лебот збогатен со наут придонел повеќе за ситост кај испитаниците, а анализата на крвта сугерирало дека тоа е резултат на зголемено ослободување на хормони кои поттикнуваат ситост. Потоа, дошло до намалување на гликозата во крвта: лебот со триесет проценти брашно од наут го намалил нивото на гликоза во крвта до четириесет проценти (лебот со шеесет проценти додадено брашно од наут покажал сличен резултат).
„Бевме импресионирани од резултатите кај здрави луѓе, а сега би сакале да видиме како нашиот леб направен од брашно од наут може да помогне во контролата на телесната тежина или дијабетесот во испитувања со повеќе испитаници кои страдаат од овие состојби – најавил Балаш Бајка од Одделот за биохемија и Food Sciences на Кралскиот колеџ во Лондон и додал дека рецептите за основна храна, како лебот, може да бидат дизајнирани така за да бидат подобри за нас. Генерално, константно се покажува дека јадењето минимално обработена храна води до подолг и поздрав живот.
Цела храна
Пандемијата на Ковид, исто така, ни помогна да се свртиме повеќе кон поздрав живот и целосна храна. За време на локдаунот, многу почесто се печеа колачи и леб, се правеа домашни тестенини и неколку видео водичи не направија вистински пекарски мајстори. Некако, во исто време, трендовите во исхраната сугерираат дека брашното е „ин“. Но, не од пченица! На пример, брашното од леблебија (наут) ѝ дава интересен вкус на храната, а иако не содржи глутен, поради својата текстура е погодно за подготовка на разни солени и слатки јадења, сосови, тестенини, мафини, палачинки и леб. Не е нов, но станува сè попопуларен на Запад, додека широко се користи во Југоисточна Азија. Можете да започнете со додавање други брашна во пченичното брашно и постепено да ја зголемувате нивната количина. Ќе ви треба малку време за да откриете кое брашно е најдобро за која намена.