Овесната каша е еден од најздравите појадоци, но сепак не е за секого. Еве кои луѓе треба да ја избегнуваат.
Овесната каша содржи многу влакна кои благотворно делуваат на цревната флора, но оваа здрава храна не е корисна за сите луѓе.
Биотехнологот Димитриј Бистров откри за кого е опасно да јаде овесна каша.
Кој не смее да јаде овесна каша?
- Луѓето со синдром на иритабилно црево или други гастроинтестинални проблеми треба да бидат внимателни и постепено да ја воведуваат овесната каша во исхраната“, рекол докторот.
- Фитинската киселина, која се наоѓа во овесната каша, може да ја попречи апсорпцијата на калциум, магнезиум, железо и цинк. Кај луѓето со неурамнотежена исхрана, тоа доведува до недостаток на важни микроелементи.
- Кај некои луѓе, овесната каша може да предизвика алергиски реакции: осип на кожата, чешање, оток, дури и анафилактичен шок во особено тешки случаи.
За кого е корисна овесната каша?
Истражувачите неодамна проучувале како јадењето овес може да влијае на нивото на инсулин, губење на тежината и намалување на ризикот од дијабетес.
Според резултатите од студијата, јадењето овес се смета за корисно, особено за луѓето кои имаат слабо контролиран дијабетес тип 2.
„Бета-глуканот, влакно присутно во овесот, може да помогне во намалувањето на нивото на гликоза и холестерол“, заклучуваат истражувачите.
Сепак, на луѓето со дијабетес и други метаболички нарушувања им се советува да ја следат количината на овесна каша што ја консумираат.