Освен што го спречил пропаѓањето на срцето, трикапринот од кокосовото масло довел и до подобрување на неговата функција – срцевиот мускул се регенерирал, а пумпањето на крвта станало поефикасно.
Експертите се обидуваат да ги пронајдат најефективните третмани за нови и сè уште релативно ретки срцеви заболувања, како што е триглицеридна депозитна кардиомиоваскулопатија (TGCV).
Во оваа состојба, проблемот е во разградувањето на триглицеридите во срцето, каде што мастите се складираат наместо да се разградуваат, што на крајот доведува до срцева слабост.
Иако првата асоцијација за кокосовото масло е нега на кожа или коса или здрави колачи, новото истражување сугерира дека тоа може да има и важни медицински ефекти.
Студијата објавена во списанието Nature Cardiovascular Research ги проучувала луѓето со оваа болест на кои им бил даден додаток наречен трикаприн – триглицерид кој се наоѓа во кокосовото масло и млечните производи и се користи во храна, козметика и додатоци во исхраната. Заклучокот е дека кај одредени пациенти со срцева слабост, употребата на трикаприн може дури и да ја спречи потребата од трансплантација на срце.
Студијата покажала дека групата која примала трикаприн имала 100% стапка на преживување во период од три и пет години, додека контролната група имала 78,6% стапка на тригодишно преживување и 68,1% стапка на петгодишно преживување.
Покрај спречувањето на срцевата слабост, трикапринот ги подобрил и неговите функции – срцевиот мускул се регенерирал и пумпањето на крвта станало поефикасно.
TGCV е сложена болест која го исцрпува срцето и го спречува да ги користи триглицеридите како извор на енергија.
Досега, можностите за лекување беа ограничени, но трикапринот покажува потенцијал да го смени текот на болеста, изјавил за Medical News Today, Ченг-Хан Чен, интервентен кардиолог и медицински директор на Структурната програма за срце во Медицинскиот центар MemorialCare Saddleback во Калифорнија.
Експертите веруваат дека трикапринот може да има поширока примена. Липидните капки кои се акумулираат во клетките на срцето не се проблем само кај оваа болест – тие се присутни и кај многу пациенти со срцева слабост и високи триглицериди.
Доколку идните студии ги потврдат овие наоди, трикапринот би можел да стане дел од стандардната терапија за срцеви проблеми кај пошироката популација, особено оние поврзани со метаболизмот на мастите – тој е лесно достапен, природен и без сериозни несакани ефекти.