Истражувањата, како она објавено во Cornell Chronicle, потврдува дека консумирањето на шеќерец може да го подобри здравјето на цревата, да го намали ризикот од срцеви заболувања, дијабетес тип 2, па дури и рак.
Слатката пченка (шеќерец) е една од најздравите летни задоволства, идеална закуска или лесна вечера која може да се консумира и „во движење“. Она што понекогаш предизвикува забуна е самото нејзиното име, односно количината на шеќер што ја содржи.
Дали слатката пченка има повеќе шеќер од „обичната“?
Постои разлика помеѓу обичната пченка и пченката шеќерец, но и двата вида содржат многу корисни материи. Шеќерецот е попогоден за „брза“ консумација поради неговата структура, а полската пченка се меле и од неа се прави пченкарно брашно и палента. Во секој случај, вклучувањето на шеќерецот во исхраната, барем во лето, значи бројни здравствени придобивки.
Истражувањата, како она објавено во Cornell Chronicle, потврдува дека консумирањето на шеќерец може да го подобри здравјето на цревата, да го намали ризикот од срцеви заболувања, дијабетес тип 2, па дури и рак.
Какви хранливи материи содржи шеќерецот?
Прво, богат е со нерастворливи влакна, кои се најважни за добро варење. Содржи и различни витамини (Ц, Б група), минерали и антиоксиданти, а токму овие својства ѝ даваат на оваа пченка големи здравствени придобивки.
А шеќерот? Не, нема повеќе од тоа во споредба со другите сорти на пченка. Шеќерецот содржи и јаглени хидрати и натриум. Еден клас со нормална големина има 86 калории, што му е и единствена маана, па затоа не треба да се претерува со количините, но содржи само 1,35 гр маснотии. Содржи и бета-каротен. Покрај тоа, следните соединенија ја прават оваа слатка пченка хранливо корисна:
Фолати (познати како витамин Б9 или фолна киселина, есенцијална хранлива материја која е особено важна за време на бременоста
Пиридоксин (може да помогне со депресија, ПМС и полошо когнитивно здравје)
ниацин (познат и како витамин Б3, неопходен за здраво варење, кожа и нервен систем
Калиум (суштински минерал потребен за регулирање на крвниот притисок и поздраво срце).
За задржувањето на благотворните својства во однос на начинот на подготовка, стручњаците велат дека со долготрајно варење или термичка обработка се губи дел од хранливите својства и дека сепак е покорисно да се јаде печената пченка.
Еве ги 6-те најважни придобивки од шеќерецот.
- Висока содржина на влакна и добар избор за слабеење
Диететските влакна се корисни за општото здравје, пред сè, за дигестивниот систем. Тие го намалуваат ризикот од срцеви заболувања, мозочен удар, дијабетес тип 2 и рак на дебелото црево.
Влакната даваат подолго чувство на ситост, па затоа консумирањето шеќер е исклучително важно доколку сакаме да ослабеме со здрава, намалена исхрана. Консултирајте се со професионалец за препорачаните количини.
Исто така, се смета дека има добри цревни бактерии, што го прави пробиотик, а содржи и значителни количини на протеини. Во 100 грама слатка пченка има 3,3 грама протеини, што помага да се избегне прејадувањето и на тој начин поттикнува помал внес на калории.
- Го подобрува здравјето на срцето
Потенцијалот на влакната за намалување на крвниот притисок и холестеролот е значаен. Ова е потврдено со клинички студии. Луѓето кои консумираат голема количина на диетални влакна може драматично да го намалат ризикот од срцеви заболувања. Покрај тоа, смртноста од срцеви заболувања била помала кај оние кои консумирале храна со повеќе влакна. - Богат извор на антиоксиданти
Сите клетки во нашето тело се соочуваат со закани и можност за оштетување, а причините варираат од неправилна исхрана до вирусни и други инфекции. Супстанциите познати како слободни радикали се голема опасност и во високи концентрации дури може да доведат до оштетување на нашиот генетски материјал.
Физичката неактивност, изложеноста на чад од тутун и загадувањето на воздухот, исто така, можат да произведат слободни радикали, а познато е дека вишокот на слободни радикали предизвикува срцеви заболувања, когнитивно опаѓање, малигни заболувања и губење на видот.
Антиоксидантите се борци на првата линија на одбрана на телото против слободните радикали. Слатката пченка е богата со витамин Ц, каротеноиди лутеин и зеаксантин и многу други борци против опасностите кои демнат во нашето тело.
- Спречува дивертикулитис
Дивертикулитисот е тешка форма на дивертикуларна болест чии компликации може да доведат до долгорочни здравствени проблеми. Џебовите кои се полнат со храна и се наталожуваат на ѕидот на дебелото црево може да се воспалат и да се инфицираат. Тие се нарекуваат дивертикулуми и понекогаш треба итно да се отстранат хируршки.
Едно истражување покажува дека консумирањето пченка може да спречи бројни болести на дигестивниот систем, особено дивертикулитис.
- Важна е за здравјето на очите
Оштетувањето предизвикано од слободните радикали може да го оштети видот и во екстремни случаи дури и да доведе до губење на видот. Каротеноидите лутеин и зеаксантин можат да помогнат во борбата против ова. Тие исто така го намалуваат оштетувањето на леќата што доведува до катаракта.
Истражувањата покажаа дека високите нивоа на овие каротеноиди во крвта се корисни за намалување на инциденцата и на макуларна дегенерација и на катаракта.
- Ја подобрува меморијата
Конзумирањето пченка е во функција на подобра когнитивна активност и функција на мозокот и може да го намали ризикот од губење на меморијата, особено кај постарите лица.
Пченката има висока концентрација на витамин Б1. Овој витамин е познат како тиамин, а е неопходен за создавање на ацетилхолин во нашето тело. Ацетилхолинот е невротрансмитер кој им помага на луѓето подобро да помнат. Покрај тоа, ова соединение го минимизира ризикот од Алцхајмерова болест.