Пет важни причини буковките да се најдат во вашата чинија
Буковките содржат квалитетни протеини споредливи со животинското месо и витамини Б1, Б2, Ц, Д, К, како и минерали: селен, јод, цинк, калиум, железо, фосфор. Најновите истражувања ги откриваат нејзините лековити ефекти, почнувајќи од ублажување на воспаленијата до подобрување на здравјето на срцето.
Буковката (лат. Pleurotus ostreatus) е јадлива печурка од фамилијата Polyporaceae која се одгледува низ целиот свет, вклучително и кај нас и во регионот. Култивираните видови се секако популарни и во однос на употребата се веднаш зад шампињоните.
Се користат термички обработени или сушени, а може да се подготват на повеќе начини, од печење на скара, како додаток на супи, пржени итн.
Буковките содржат квалитетни протеини споредливи со животинското месо и витамини Б1, Б2, Ц, Д, К, како и минерали: селен, јод, цинк, калиум, железо, фосфор. Имаат малку натриум.
Одамна е познато дека буковките го зајакнуваат имунолошкиот систем, поради што Кинезите со векови ги користеле во исхраната. Тие користеле буковки за да ги обноват мускулите и тетивите, да ја намалат болката и да ја подобрат циркулацијата.
Денес, буковките се користат во борбата против хипертензијата, разните инфекции, високиот холестерол, но секако и за подобар имунитет. За имунитетот е одговорен фитохемикалијата плеуран, која ја содржат. Имаат и антиканцерогени соединенија, како и бета глукани. Буковката е одлична за намалување на нивото на шеќер во крвта, па затоа се препорачува и за дијабетичари.
Најновите истражувања ги откриваат нејзините лековити ефекти, почнувајќи од ублажување на воспаленијата до подобрување на здравјето на срцето.
- Намалување на холестеролот
Во истражувања на животни, буковките брзо и природно го намалуваат холестеролот во крвта.
Истражувањето објавено во списанието Mycobiology покажа дека конзумирањето на буковки помага да се намали вкупната количина на холестерол за 37% и на триглицериди за 45%.
Холестеролот е супстанца слична на восок која се наоѓа во многу делови од телото и игра важна улога во одржувањето на доброто здравје.
Тој е составен дел на клеточните мембрани и учествува во синтезата на жолчните киселини, неколку хормони и витамини.
Сепак, вишокот холестерол може да се акумулира во крвта, да создаде масни наслаги во артериите и да го зголеми ризикот од срцев и мозочен удар.
- Ублажување на воспалението
Се покажа дека буковките имаат силни антиинфламаторни својства, што може да значи дека тие имаат потенцијал да ги ублажат болестите како што се ревматоидниот артритис и воспалителната болест на цревата.
Според лабораториска студија објавена во Nutrition Journal, состојките во буковката го намалуваат нивото на воспалителни маркери, што е индикатор за намалено воспаление.
Воспалението е имунолошка реакција чија цел е да го заштити телото од болести.
Хроничното воспаление нема заштитна функција туку е здравствен проблем. Тоа е поврзано со зголемен ризик од рак, срцеви заболувања и дијабетес.
- Сузбивање на слободните радикали
Некои студии открија дека буковките се богати со антиоксиданти, соединенија кои се спротивставуваат на слободните радикали и на тој начин го спречуваат оштетувањето на клетките.
И лабораториските и животинските студии покажаа дека состојките на буковките го зголемуваат нивото на антиоксиданти во телото и ги неутрализираат штетните слободни радикали.
Антиоксидантите играат централна улога во одржувањето на здравјето и намалувањето на ризикот од многу хронични болести.
- Запирање на растот на малигните клетки
Една од најзначајните придобивки на буковката е нејзиното влијание врз клетките на ракот.
Во лабораториските истражувања на Методистичкиот институт во Индијанаполис, научниците успеаја да го спречат растот и ширењето на клетките на ракот на дебелото црево.
Друга лабораториска студија покажа дека екстрактот од буковки има разурнувачки ефект врз клетките на ракот на дебелото црево и леукемијата.
Буковките ги должат овие својства на нивната висока содржина на антиоксиданти како што се селен и бета-глукан.
Селенот е еден од микронутриентите со најсилно дејство против слободните радикали.
Полисахаридите, кои го поддржуваат имунолошкиот систем, се уште една значајна група на хранливи материи во оваа печурка.
- Заштита на здравјето на мозокот
Познато е дека исхраната директно влијае на здравјето на органите, вклучувајќи го и мозокот.
Ризикот од невродегенеративни болести и деменција зависи од храната што ја внесувате во вашето тело.
Анализите покажаа дека буковките се богати со витамини и минерали кои се особено важни за здравјето на мозокот.
Меѓу нив се ниацинот (Б3), кој помага при Алцхајмерова болест и други форми на деменција и рибофлавинот (Б2), кој има терапевтски ефект против Браун-ов синдром, форма на нарушување на моторниот неврон.