Одличен е за оние кои не поднесуваат глутен бидејќи се прави со леќа наместо со брашно. Полн е со протеини и со влакна, а оние кои веќе го испробале велат дека е превкусен
Овој леб е богат со протеини бидејќи и леќата и јајцата се одличен извор на протеини.
Исто така, леќата е одличен начин за добивање влакна, кои помагаат во варењето.
Овој рецепт има малку јаглехидрати, што го прави добар избор за луѓето кои се на диети со ниски јаглехидрати.
Одличен е за оние кои не поднесуваат глутен бидејќи се прави со леќа наместо со брашно, па не содржи глутен.
Состојки:
180 г црвена леќа
2 јајца
100 мл јогурт
20 мл маслиново масло
1 прашок за пециво
малку сол (по вкус)
1/2 лажичка лук во прав
30 г рендан пармезан (наместо пармезан, можете да користите и некое друго тврдо сирење)
1 лажица сечкан магдонос
1 лажица сусам за поросување
Приготвување:
Во сад ставете 180 грама леќа, покријте ја со вода и оставете ја да кисне најмалку 1 час.
Потоа исплакнете ја и исцедете ја.
Направете го тестото такашто со рачен блендер ќе ги измешате натопената леќа, 2 јајца и 100 грама јогурт.
Додадете ги солта, лукот и сирењетоПосипете малку сол, 1/2 лажичка сув лук, 30 гр рендан пармезан и 1 лажица сечкан магдонос. Убаво измешајте.
Во смесата ставете 10 грама прашок за пециво и 20 милилитри маслиново масло. Мешајте додека сè не се изедначи убаво.
Тавата за печење премачкајте ја со растително масло, истурете ја смесата и рамномерно распоредете ја.
Поросете 1 лажица сусам одозгора.
Печете го лебот во загреана рерна на 180 степени околу 40-45 минути или додека горниот дел не добие златна боја, а чепкалката со која ќе боцнете во средината не излезе чиста.
Оставете го лебот малку да се излади пред да го исечете.
Дополнителни совети:
Ако тестото е премногу густо, додадете уште малку јогурт или вода.
Потопувањето на леќата во вода ја прави мека, полесна за блендирање и за варење.
Рецептот за овој леб од леќа е од ТУКА.