Салатата од зелка и моркови е идеален додаток за многу јадења

Фото: Freepik
71

Ова е едноставна салата во која одат две главни состојки – свежа зелка и морков.
Покрај тоа, потребен ви е и сос кој многу лесно се прави, а вкусот сигурно ќе ви се допадне.

Оваа едноставна салата од зелка и моркови е доста заситна, па можете да ја направите во помали количини, а идеална е со јадења со месо или со јадења на скара.
Салатата од зелка и моркови може да се јаде како прилог, наместо компири или како салата со месо.

Важно е да знаете дека е малку покалорична и „потешка“ салата, но тоа не значи дека е помалку вкусна.

Количините на состојките всушност се ставаат од око, во зависност од вашите преференции.

Состојки:
Половина главица мала зелена или црвена зелка
3 до 4 моркови
Лажица мајонез
Лажица јаболков или друг оцет
300 до 400 грама јогурт
Лажичка шеќер
Лажичка сол

Количината на состојките можете да ја прилагодите во зависност од тоа колку сос сакате и во зависност од вкусот. Ако сакате салатата да биде покисела, додадете повеќе оцет. Од друга страна, можете да ставите повеќе мајонез, но имајте на ум дека тогаш салатата ќе биде покалорична.

Приготвување:
Изрендајте ги зелката и морковите.

Зелката можете да ја изрендате крупно или да ја исечкате со нож.

Во друг сад убаво измешајте ги состојките за сосот. Потоа поврзете го сосот со зелката и морковите и по желба додадете уште од оние состојки кои сметате дека недостасуваат.

Вкусот треба да биде слатко-кисел, а мајонезот да дава посебна нота.