Многу познати личности се придржуваат до овој екстремен пост, за кој научниците предупредуваат дека сѐ уште не се знае дали е добар или лош за нашето здравје.
Познатите луѓе ги популаризираа сите видови необични трендови во исхраната со текот на годините, а јадењето еден оброк дневно (OMAD) е меѓу најновите. Го практикуваат Брус Спрингстин, Крис Мартин од Колдплеј, актерот Ченинг Тејтум, Брук Шилдс, Пипа Мидлтон, Меган Фокс и многу други. Ваквиот начин на исхрана има приврзаници и кај нас.
Многу поддржувачи на OMAD (англ. One Meal A Day, OMAD) тврдат дека тоа им помага да ја задржат тежината и кондицијата. Меѓутоа, сѐ уште знаеме многу малку за неговото влијание врз организмот и за тоа дали е безбедно за здравјето да се консумира само еден оброк дневно.
Добро за шеќерот и мастите
Меѓутоа, откриено е дека другите форми на пост, како што е 5,2 (лицето јаде нормално пет дена во неделата, а потоа 800 калории или помалку во останатите два дена во неделата), може да помогне во одржување на здрава тежина, па дури и да го намали покачениот крвен притисок и да го подобри метаболизмот, односно, да ги урамнотежи шеќерот и холестеролот. Ефектот на OMAD беше проучен во една студија од холандски, норвешки и германски научници. Кога учесниците јаделе само еден оброк дневно, забележале поголемо намалување на телесната тежина и телесните масти. Меѓутоа, тие имале и поголемо намалување на густината на коските, што може да доведе до намалена мускулна функција и поголем ризик од фрактури на коските доколку диетата се следи подолго време.
Студиите на животни покажале спротивставени резултати, а истражувањата покажале дека глувците кои јаделе еден оброк на ден всушност се здебелиле повеќе во споредба со оние кои јаделе повеќе оброци.
Иако овие резултати сугерираат дека OMAD може да има корист од некои аспекти на здравјето, сè уште има многу работи што не ги знаеме.
Не е за секого
Исто така, важно е да се истражи што се јаде во еден оброк. Имено, доколку некој има само еден оброк дневно, во еден оброк е потребно да ги задоволи сите нутритивни потреби, особено за енергија, протеини, влакна и клучни витамини и минерали, за да не се изгуби мускулната маса и да се доведе до полошо здравје на цревата.
Некој што го следи овој тренд на исхрана ќе треба да обезбеди добар дел од протеините и многу зеленчук, јаткасти плодови, семки, малку овошје и цели зрна во секојдневниот единствен оброк за да ги задоволи овие нутритивни потреби. Исто така, му треба добра порција млечни производи или додатоци за да биде сигурен дека ги задоволува потребите за калциум и јод. Но, некои луѓе сепак треба да избегнуваат OMAD, на пример, децата, бремените жени, доилките и луѓе изложени на ризик од нарушувања во исхраната – изјавила за Science Alert Аманда Ејвери, нутриционистка и предавач на Универзитетот во Нотингем.